Donderdag 07 Maart 2024

Wysheid

IN HIERDIE POS KYK ONS NA DIE BEGRIP "wysheid".

Wat beteken wysheid?
(Spr. 3:13-15 - "Gelukkig die mens wat wysheid gevind het, en die mens wat verstand verkry; want die verkryging daarvan is beter as dié van silwer, en die verwerwing daarvan beter as van goud; dit is kosteliker as korale, en al jou kleinode kan daar nie mee vergelyk word nie").
In hierdie pos:
- (1) Kort opsomming;
- (2) Griekse en Hebreeuse betekenisse vd woord wysheid;
- (3) Spesifieke voorbeelde van mense in die Skrif wat wysheid gehad het;
- (4) Praktiese voorbeelde van wysheid, hoe dit tot voordeel is in die alledaagse lewe;
- (5) Nog skrifte waarin wysheid beskryf word (- "wys/e/s"). 

------------------------------------------------------------------------------------------------------------------------------
(1) Kort opsomming:
"Wysheid" wys op  intellegensie, vaardigheid en bekwaamheid.  In sekere kontekste verwys iemand met wysheid na iemand wat uitgeslape is, subtiel, of hom/haarself kragtig in woorde kan uitdruk. 

In hierdie pos kyk ons veral na wysheid wat "van bo" kom. Alhoewel wysheid en verstand ook gewoonlik kom met jare (grysaards)(Job 12:12; 32:7), is nie alle wysheid "van bo" nie.  Die wysheid waarna in meeste van die voorbeelde in die Skrif verwys word is besonderse wysheid wat deur die Here (en deur Sy Gees) gegee word aan sekere mense... (Eks. 28:3; 31:2-5; Job 32:8,9; 2 Pet. 3:15; ens.)(bv. die wat die Gees van wysheid (die Heilige Gees) ontvang).  Die Here gee wysheid en kennis wanneer dit nodig is, bv. sodat dinge VOLGENS SY WIL uitgevoer kan word... (soos om die volk te lei volgens Sy wil, om oordeel uit te spreek volgens Sy wil, om iets kunssinnig te skep volgens Sy wil, ens.)(Matt. 23:34). Dit dan die rede waarom iemand wysheid van bo ontvang.  "Wysheid van bo" het o.a. tot gevolg dat geregtigheid kan geskied (1 Kon. 3:16-28). 'n Volk wat geen wyses het wat hulle lei nie, is op die afdraende... (Jer. 51:57; Jes. 29:14). Die Here gebruik wysheid as 'n manier om Sy volk te lei en op die regte pad te hou.

Wat is wysheid?
- Wysheid is INSIG (Job 11:6; 12:12) wat iemand verkry, bv. insig op wat is reg en verkeerd (bv., kan 'n goeie oordeel uitspreek of goed rede voer-Kon. 3:28; 10:9), of insig om in vrede te lewe met mense rondom (uitgeslape/subtiel-2 Sam. 14:20), of insig om 'n spesifieke taak uit te voer (1 Kon. 5:12; 10:4), ens. Wysheid kom ook goed te hulp wanneer lering/onderrigting gegee word, bv. die waarheid verkondig of waar inligting vd vaders oorgelewer word (Job 15:18,19; Spr. 22:17; 24:23)(2 Pet. 3:15,16; Kol. 1:28; en Spr. 31:26). Dit kom dus goed te pas in die uitvoer van opdragte of waar 'n onderwerp bespreek word (Hand. 6).
- Deur wysheid, bv. wysheidspreuke, kan iets op 'n kragtige manier in woorde uitgedruk word (Pred. 12:11)(bv. sodat niemand dit kan weerspreek nie).
- Wysheid word gewoonlik gekenmerk deur kennis (iemand wat meer weet as ander, bv. kenners vd tye of van wet en reg-1 Kron. 12:20; Est. 1:13);
- en word gekenmerk deur die vermoë om te kan lei (die insig en kennis om te weet wat gedoen moet word, wat belangrik is, wanneer dit nodig is, ens.; bv. Salomo wou wysheid verkry "om die volk te kon lei"), 
- Wysheid kan ook beskryf word as " 'n goeie begrip", bv. 'n goeie begrip hê van prosesse, bv. het insig/ is vaardig of bekwaam om iets te skep soos in kunste (spesifieke soorte kunste-Eks. 31:2-5) en musiek (bv. liedjies skryf-1 Kon. 4:32). Wysheid kom goed te pas wanneer besonderse kennis nodig is in 'n spesifieke veld (Eks. 28:3). Die persoon met wysheid het die verstand om (spesifieke) take uit te voer en weet hoe om dit te doen (Gen. 41:33; 1 Kon. 2:9).
- Dit kan ook beskryf word deur die vermoë om iets in woorde te kan uitdruk (bv. wysheidspreuke-1 Kon. 4:32), en goeie antwoorde te kan gee (Luk. 21:15).
- Dit is deur wysheid wat Salomo die insig gehad het van hoe om in vrede te lewe met mense rondom, asook die insig gehad het om die tempel te bou (1 Kon. 5:12; 10:4). 
- 'n Wyse man kan grimmigheid tot bedaring bring (Spr. 29:8; 16:14; Dan. 2:14-16) - in konteks kan die woord wysheid bv. verwys na die vermoe om rede te kan voer, 'n goeie begrip, is uitgeslape, subtiel, ens. (rol af vir 'n opsomming oor die Hebr. en Gr. betekenisse vd woord "wysheid"). Die wyse weet wanneer om stil te bly (Job 13:5) en wanneer om te praat  (Matt. 10:16 en Spr. 14:8)(Spr. 29:9). 
- Kol. 1 leer vir ons dat die "wysheid van bo" dinge soos lankmoedigheid, lydsaamheid, dankbaarheid ens. tot gevolg het, en 'n begeerte na meer kennis en beskaafdheid - m.a.w., wysheid het 'n invloed op die manier hoe ons sien en dink en optree.
- Die met wysheid kan toetse (bv. versoekinge) makliker te deurstaan (Jak. 1:5) - bv. insig om te weet wat om te doen, of insig op hoe om ander mense te hanteer (bv. hoe om te wandel teenoor die wat buite is)(Kol. 4:5); 
- Die met wysheid verstaan dinge wat ander mense nie verstaan nie (bv. verstaan die krag van God en roeping...)(Ef. 1:18-21). Bv. belangrik vir spesifieke bedieninge, bv. apostels, profesie, lering, ens.
- Die met wysheid kan oordeel, beoordeel en besluite neem (meer spesifiek, besluite wat tot geregtigheid lei)(1 Kor. 3:16-28);  kan bv. regsake hanteer (Deu 1:15-18), of die geleerdes, die wat weet wat moet gebeur, bv. kenners vd tye of kenners vd wet en reg (1 Kron. 12:20; Est. 1:13). 

Ons moet onderskei tussen aardse wysheid en wysheid van bo, want nie alle wysheid word van dieselfde BRON verkry nie;  m.a.w., nie alle wysheid in die wêreld is "wysheid van bo" nie. Mense wat wysheid ontvang het kennis -  wysheid veroorsaak INSIG in iets spesifiek..., en hierdie insig het 'n effek op ons lewe, woorde en werk. Die kennis wat egter verkry word deur aardse wysheid het nie dieselfde invloed as wysheid van bo nie, en is eintlik maar dwaasheid by God (1 Kor. 3:18,19).  Studie kan 'n vermoeiing wees vd vlees en 'n gejaag na wind, bv., aardse wysheid... (Pred. 1:17; 12:12), en het 'n groot invloed op HOE ONS SIEN EN DINK - dit is waarom dit eerder belangriker is om ag te gee op "vrees vir die Here en om Sy gebooie te hou" (Pred. 12:13) as om aardse wysheid te soek, want die Here se insettinge het 'n ander invloed op ons. 

Die wat die Here vrees ontvang wysheid van bo... (die vrees vd Here is die beginsel van wysheid en kennis...-Ps. 111:10; Spr. 1:7; Job 28:28; ens.) - sulke insig kom van die Here af en diesulkes begin dan soos Hy dink en sien (dis is wat gebeur met mense wat die Heilige Gees ontvang - die Gees gee vir hulle "wysheid van bo" en skryf die Here se wette op hulle harte). In die geval van "wysheid van bo" is die Here DIE BRON...  Dit is dus belangrik "van watter bron af" wysheid verkry word. As jy die Here soek/raadpleeg/vrees, sal jy wysheid van Hom af kry, maar aardse wysheid het 'n ander bron en bou terloops 'n ander soort karakte!. 'n Goeie lewenswandel is belangriker as om slim te klink (Jak. 3:13,14) - wat help dit iemand het baie kennis en kom baie wys voor maar het nie goeie werke nie (die persoon is miskien afgunstig of selfsugtig... - Jak. 3:13,14) - in so 'n geval wys dit waar sy wysheid vandaan kom. Dit is m.a.w. maklik om te sien waar 'n slim persoon se wysheid vandaan kry, want wysheid het 'n spesifieke soort invloed op iemand... Slim mense met aardse wysheid het bv. baiemaal 'n soort karakter waar hulle hulself verhef of selfs dink hulle verdien meer as ander mense omdat hulle slimmer is... - hulle sal bv. hulle kennis (aardse wysheid) gebruik tot eie voordeel (is selfsugtig), of omdat hulle hulself hoër ag is hulle jaloers op die wat het wat hulle nie het nie (is baiemaal afgunstig). Die Skrif het 'n woord wat hiervoor gebruik word, en dit is dat so iemand "vleeslik" is (hy dink en sien aards/sien soos die wereld sien).  Jong Christene is ook somtyds vleeslik en kan maklik beterweterig voorkom, in plaas van om ag te gee op goeie lewenswandel en om te leer... (wat basies maar net daarop wys dat hulle nog nie veel wysheid van bo het nie! - hulle mag dalk dink hulle is slim oor hulle kennis vd woord begin verkry het, maar het nog baie aardse kennis in hulle en weet nog nie veel vd woord nie) - maar die Here kan natuurlik iemand wat jonk is ook gebruik, kyk bv. Jeremia en hoe die Here vir hom woorde gegee het...(Jer. 6:1,9).  Wêreldse wysheid veroorsaak vleeslike gedrag terwyl wysheid van bo anders is, en 'n kombinasie van die twee het beslis beide 'n invloed op iemand.  Wysheid van bo het 'n ander soort effek op mense as wat aardse wysheid het, bv. dat hulle rein wil lewe, vredeliewend is, vriendelik optree, geseglik, is vol barmhartigheid, dra goeie vrugte, is onpartydig en ongeveins... (Jak. 3:13-18). So iemand wil volgens die wil vd Here lewe en Hom gehoorsaam. Iemand se gedrag en optrede kan dus 'n aanduiding wees van waar sy wysheid vandaan kom (kom dit van bo, of is dit aards/werelds?). Dit is duidelik dat waar "wysheid van bo" oorgedra word aan geslagte (selfs onder heidennasies), daardie kinders outomaties ook beter lewenswandel sal toon...

Geen wonder die Here se insettinge word gesien as wysheid... (en verstand)(Deut. 4:6; Ps. 111:10) - as jy die Here vrees dan verstaan jy dat Hy die wyse Een is en wysheid van bo "van Hom af kom".  Hierdie wysheid is nodig vir 'n GOEIE BEGRIP en INSIG en OM REDE TE KAN VOER (Dan. 5:11)(... is bv. o.a. nodig om oordele te kan uitspreek-1 Kon. 10:9).  WYSHEID HET DUS BAIE TE DOEN MOET HOE IEMAND SIEN EN VERSTAAN (en verwys dus ook op "verstand in die skrifte"-Dan. 1:17). Daniël was beskryf as iemand met voortreflike wysheid of 'n "voortreflike gees" (Dan. 5:12,14; 6:4), want hy het 'n goeie begrip gehad en besonderse insig. Die Here se insettinge maak ons bekwaam en gee ons insig om te weet wat om te doen en wat om te sê (sien die begrip "woord van wysheid"). 

In Hand. 7:22 word iemand met wysheid beskryf as "magtig in woorde en dade" - dit is bv. moeilik om iemand met wysheid te weerstaan, want so iemand het besonderse insig en kan hom/haarself goed in woorde uitdruk (Hand. 6:10). As ons wysheid as werke kon beskryf (bv. dat wysheid nodig is om daardie werk te kan uitvoer), kan dit miskien beskryf word in die mense met werke soos kunste, ambagte, wetgewing, leierskap, musiek, sprekers, leermeesters, ens. (maar natuurlik is nie alle soorte wysheid in die wereld "wysheid van bo, of het die Here as bron nie, en dus word daar nie altyd leiding gegee volgends die Here se wil nie, of regsprake uitgevoer volgens Sy wil nie, musiek gemaak volgens Sy wil nie, kunste volgens Sy wil nie, ens...).  

In Deut. 34:9 word daar na die Gees van God verwys as "die Gees van WYSHEID" - mense wat die Heilige Gees ontvang (m.a.w., "geestelike/weergebore" mense) kry wysheid van bo.  Die Heilige Gees kan iemand leer wat die waarheid is, en bekwaam maak om te doen wat gedoen moet word, rigting gee, hulp om sake te hanteer, help in woorde, ens... Jesus het bv. die Gees van wysheid gehad en kon deur woorde mense se verstand open sodat hulle die Skrifte kon verstaan (Luk. 24:45).  Die Heilige Gees werk o.a. hierdie gawe "WOORD VAN WYSHEID" deur sommige gelowiges sodat daardie gelowiges die vermoe het om hulleself goed in woorde te kan uitdruk -1 Kor. 12:8 (Luk 21:15 - "Want Ek sal aan julle woorde en wysheid gee wat al julle teëstanders nie sal kan teëspreek of weerstaan nie")(Hand. 6:10). Met so 'n "woord van wysheid" hoef iemand nie eens vooraf te dink wat hy sal spreek nie, want die woorde (van wysheid) sal vir hom deur die Gees gegee word in daardie oomblik... (Luk 21:14), en word gewoonlik gekenmerk deur die feit dat so iemand se woorde so kragtig is dat sy teëstanders dit nie kan teëspreek of weerstaan nie (Luk. 21:15; Hand. 6:10)(Eks. 4:11,12). 

Jesus Christus se leringe is ook soos wysheid vir ons en die Gees herinner ons terloops aan Sy woorde... (Joh. 14:26). Die wysheid van bo is waarheid (is die Here se insettinge). Christus Jesus het vir ons DIE WAARHEID kom deel en so baie wysheid vir ons kom gee (Joh. 3:34). Hy word o.a. voorgestel as "die krag van God en die WYSHEID VAN GOD", want net soos die insettinge vd wet wysheid van bo is, so is Jesus se woorde wysheid van bo (1 Kor. 1:24,30).  As ons ag gee op Jesus se woorde en die Heilige Gees gehoorsaam, is ons wys! Solank ons ons deur Hom en deur die Heilige Gees laat lei sal ons goeie begrip en insig hê, presies weet wat om te doen (bv. wanneer, hoe, waar, ens.), kan selfs woorde verkry waar of wanneer ons dit nodig het as die Gees so 'n woord van wysheid deur jou werk, en kan besonderse insig verkry in sekere prosesse soos die Here dit uitdeel...(bv. ambagte, kunste, ens.)(1 Joh. 2:20,27; Joh. 16:13; 1 Joh. 4:6; 14:26; 1 Kor. 2:12,13; Luk. 21:14,15; ens.).

------------------------------------------------------------------------------------------------------------------------------
(2) Griekse en Hebreeuse betekenisse vd woord "wysheid":

- die Hebr. woord " khok-maw' " ; wysheid - vaardig, wys, bekwaam (Eks. 28:3). In konteks Eks. 28 het dit hier verwys na mense wat deur die Here kunsvaardig gemaak is sodat hulle die priesters se klere kon maak. Vgl. dit ook met Eks. 31:2-5 ("Kyk, Ek het Besáleël die seun van Uri, die seun van Hur, van die stam van Juda, by sy naam geroep; en Ek het hom vervul met die Gees van God, met wysheid (vaardig/bekwaam) en verstand (vaardig, diskresie, insig, rede, begrip) en kennis (weet, bewus, wetend, uitgeslape) en bekwaamheid (werk, werker) vir allerhande werk, om kunstige planne uit te dink, om dit uit te voer in goud en silwer en koper, en deur snywerk in stene wat ingelê moet word, en deur houtsnywerk; om werksaam te wees in allerhande werk")(kyk ook Deut. 4:6, waarin die volk beveel word om die Here se insettinge te hou..., sodat die ander volke hulle kan sien as 'n wyse en verstandige volk;  m.a.w., die Here se insettinge is wysheid en verstand... - Sy insettinge maak ons vaardig en bekwaam (wysheid) en gee insig/rede/begrip (verstand). Dieselfde Hebr. woord word ook gebruik in Deut. 34:9 - in hierdie vers word daar na die Gees verwys as "die Gees van WYSHEID" - die Gees maak ons bekwaam om te kan doen wat ons moet doen)(kyk ook 1 Kon. 3:28 - wysheid wat Salomo vd Here af gekry het - hy kon as regter optree, en dit het tot gevolg gehad dat die mense hom gevrees het. Vgl. dit ook met 1 Kon. 10:9 - die wysheid wat Salomo van die Here af gekry het het gesorg dat reg en geregtigheid onder die volk geskied. Vgl. dit met 1 Kon. 4:29 - Salomo se wysheid was oral bekend, en dit was o.a. gekenmerk deur 3000 wysheidspreuke en 1005 liedere-v.32; 1 Kon. 4:34; 1 Kon. 5:12; 10:4,6-8,24; 11:41; 2 Kron. 1:10,11)(kyk ook Eks. 31:6; 36:2;2 Sam. 20:22; 1 Kon. 2:6; 7:4; 2 Kron. 9:3,5-7,22,23; Esra 7:25; Job 4:21; 11:6; 12:2,12,13; 13:5; 15:8; 28:12,18,20,27,28; 33:33; 38:36,37; Ps. 37:30; 104:24; 111:10; Spr. 1:2,7; 2:6,10; 3:13,19; 4:5,7,11; 5:1; 7:4; 8:1; 9:10; 10:13,23,31; 11:2; 13:10; 14:6; 14:6,8,33; 16:16; 17:16,24, ens.) (Dan. 1:17,20; 5:11,14). 

- Die Hebr. woord " haw-kawm' " (2 Sam. 14:20) wat verwys na intelligensie en vaardigheid - uitgeslape, subtiel. 

- Die Hebr. woord " khaw-kam' " (Ps. 105:22) om wyser te maak, of wysheid leer.

- Die Hebr. woord " khok-moth' " (Spr. 1:20) - wysheid, 'n wyse persoon - wysheid word hier soos 'n vrou voorgestel... Kyk ook (Spr. 9:1; 14:1; 24:7).

- Griekse woord "sof-ee'-ah" - wysheid (Matt. 11:19; 12:24; 13:54; Mark. 6:2; Luk. 2:40,52; 7:35; 11:49; 21:15; Hand. 6:3,10:; 7:10,22; Rom. 11:33; 1 Kor. 1:17,19-22,24,30; 2:1,4-7,13; 3:19; 12:8; 2 Kor. 1:12; Ef. 1:8,17; 3:10; Kol. 1:9,28; 2:3,23; 3:16; Kol. 4:5; Jak. 1:5; 3:13,15,17; 2 Pet. 3:15; Openb. 5:12; 7:12; 13:18; 17:9).

------------------------------------------------------------------------------------------------------------------------------
(3) Kom ons kyk na 'n paar voorbeelde van mense in die Bybel wat wysheid van bo ontvang het (in bg. paragraaf is ook alreeds heelwat voorbeelde aangehaal):

-    Daniël (Béltsasar), Hanánja (Sadrag), Mísael (Mesag) en Asárja (Abednégo) - die Here het vir hulle WYSHEID gegee (Dan 1:17 - "En hierdie vier jong seuns—God het aan hulle wetenskap en verstand in allerhande geskrifte en wysheid gegee; ook het Daniël verstand gehad van allerhande gesigte en drome")(KJV:  Dan 1:17 - "Now as for these four youths, God gave them knowledge and skill in all learning and wisdom: and Daniel had understanding in all visions and dreams"). - IN HIERDIE SPESIFIEKE GEVAL VERWYS WYSHEID NA "VERSTAND IN DIE GESKRIFTE"... HIERDIE SEUNS HET BUITENGEWONE WYSHEID GEHAD, EN ENIGE IETS WAARIN DIE KONING HULLE ONDERVRA HET HET HY BEVIND DAT HULLE AL DIE GELEERDES IN SY KONINKRYK 10 MAAL OORTREF HET! (Dan 1:20). 
-    Daniël (Dan 5:11 - "Daar is ‘n man in u koninkryk in wie die gees van die heilige gode is: in die dae van u vader is verligting en insig en wysheid soos die wysheid van die gode in hom gevind; daarom het u vader, koning Nebukadnésar, hom as owerste van die geleerdes, die besweerders, die Chaldeërs, die waarsêers aangestel—u vader, o koning! —") - IN HIERDIE SKRIF WORD DAN. SE WYSHEID BESKRYF AS "wysheid van die gode" (die woord "gode" word hier gebruik, want die Chaldeers het nie in die Hebreeuse God geglo nie, maar besef dat sy wysheid "van bo" kom) - SY WYSHEID WORD VERDER IN V. 12 BESKRYF AS DAT HY 'N VOORTREFLIKE GEES EN KENNIS (begrip, insig, rede voer) EN VERSTAND (begrip) GEHAD HET (Daniel kon o.a. ook drome uitlê en raaisels oplos-wat miskien meer die begrip "kennis" beskryf as "wysheid"..., alhoewel wysheid en kennis baie saamgaan).
-   Moses (Hand. 7:22 - "En Moses is opgelei in al die wysheid van die Egiptenaars en was magtig in woorde en dade"). ALHOEWEL WYSHEID IN KONTEKS IN HIERDIE SKRIF VERWYS NA AARDSE WYSHEID (nie "wysheid van bo" nie), WORD MOSES SE WYSHEID HIER O.A. BESKRYF AS "MAGTIG IN WOORDE EN DADE" -  ONS SIEN DUS DAT IEMAND WAT "WYSHEID" HET O.A. BEKWAAM IS EN GOED KAN WEES MET WOORDE...;  WAT NOGAL KOMIES IS IN MOSES SE GEVAL, WANT HY HET HOMSELF NIE GESIEN AS "N MAN VAN WOORDE" NIE... (Eks. 4:10-12).  MAAR DIE HERE KON VIR HOM WYSHEID VAN BO GEE EN DUS DIE WOORDE WAT HY NODIG GEHAD HET... (bv. om Sy wil uit te voer).  Iemand met wysheid kan dus o.a. beskryf word as iemand wat magtig is in dade en woorde - word duidelik gekenmerk as mense wat intelligent is, bekwaam, vaardig, goed met woorde, ens.
-   Stéfanus (Act 6:10)  Maar hulle kon die wysheid en die Gees waardeur hy gespreek het, nie weerstaan nie (Hand. 6:10 - "Maar hulle kon die wysheid en die Gees waardeur hy gespreek het, nie weerstaan nie"). STEFANUS HET DEUR WYSHEID GEPRAAT, EN DEUR DIE GEES GEPRAAT... DIT WIL VOORKOM OF STEFANUS DIE GAWE VAN "woorde van wysheid" DEUR DIE HEILIGE GEES ONTVANG HET. WAT HET DIT IN HIERDIE SKRIF BETEKEN?  IN HIERDIE SKRIF VERWYS WYSHEID NA IEMAND WAT GOED/MAGTIG IS MET WOORDE" - HY HET SO GOED GESPREEK DAT HULLE DIT NIE KON WEERSTAAN NIE... (en toe hulle geen antwoord het nie, toe maak hulle asof hy laster... - dit is wat baiemaal gebeur as iemand so wys is dat die nie kan terugantwoord nie, dan word die wyse beskuldig van iets wat nie die waarheid is nie - dit is die vyand se laaste manier om te keer dat mense die waarheid glo). STEFANUS HET PRESIES GEWEET WAT OM TE SE;  VGL. DIT MET EKS. 4:12 EN MATT. 10:19,20 - WANNEER 'N GAWE VAN WOORDE VAN WYSHEID DEUR IEMAND WERK, KRY HY INSIG OM IETS IN WOORDE UIT TE DRUK - "die Gees waardeur hy spreek" - die Gees praat deur hom... (Luk 21:14,15 - "Neem julle dan in jul harte voor om nie vooraf oor julle verdediging te dink nie. Want Ek sal aan julle woorde en wysheid gee wat al julle teëstanders nie sal kan teëspreek of weerstaan nie").
- Jesus:   Jesus Christus  het van kleins af baie wysheid gehad - (Luk 2:40 - "En die Kindjie het gegroei en sterk geword in die Gees en vol van WYSHEID. En die genade van God was op Hom)(Luk. 2:52; Matt. 13:54; Mark. 6:2), en Sy leringe het ook gewys dat Hy baie wysheid het! (Mark. 6:2; Matt. 13:54). 

-----------------------------------------------------------------------------------------------------------------------------
(4) Praktiese voorbeelde van wysheid, hoe dit tot voordeel is in die alledaagse lewe...:

- Wysheid kom goed te pas in die uitvoer van opdragte en was bv. 'n voorwaarde vir die verkiesing van die diakens in Hand. 6. Ons het reeds gesien dat mense met wysheid "prosesse" goed verstaan en dus weet wat om wanneer te doen, en hoe... In hierdie geval help wysheid iemand om 'n spesifieke taak uit te voer (volgens die Here se wil). 'n Ander vb. is Josef wat moes voorberei vir die jare van hongersnood... (Gen.41:33), en om dit te kan doen het God dit so laat gebeur dat Josef oor Farao se huis aangestel was, en oor die hele Egipteland. Die een met wysheid kan gebruik word om 'n taak uit te voer (en dit dan ook gewoonlik die rede waarom wysheid aan iemand spesifiek gegee word). Salomo is ook 'n vb. hiervan, want hy het wysheid ontvang sodat hy die volk kon lei.  Ons sien dus dat mense met wysheid baiemaal 'n spesifieke aanstelling of leiersposisie ontvang (sodat hulle 'n spesifieke taak kan uitvoer) - en die omstandighede speel baiemaal ook saam!;  m.a.w., die geleentheid word geskep. 1Kon. 2:9 is nog 'n vb. van waar iemand 'n opdrag gegee word, maar hy dit gegee word omdat hy "die wysheid" het om dit te kan uitvoer (hy kry die opdrag maar word nie presies vertel hoe om dit te doen nie, maar sal weet omdat hy wysheid het...). 

- Die Here gebruik ook somtyds "wysheid" as 'n manier om vernederdes te verhoog (1 Kon. 10:23,24; Dan. 1:17; 5:14; Spr. 4:7,8), alhoewel ons doel vir die begeerte na wysheid nie moet wees om onsself te verhoog nie.  Koning Salomo het baie wysheid gehad (Matt. 12:42), maar sy begeerte na wysheid en kennis was bloot omdat hy wou dien (2 Kron. 1:11,12) - hy het dit nie begeer vir redes van selfverheffing nie. So word iemand (met wysheid/a.g.v. wysheid) somtyds verhoog, maar nie vir die doel van om geëer te word nie maar sodat die persoon die vermoë het om te doen wat hy moet doen (bv. 'n opdrag uitvoer), of te spreek wat moet gespreek word. So iemand word in hierdie geval "gevrees" sodat hy die waarheid kan spreek en mense dit kan ontvang. Vrees is die beginsel van wysheid, en die persoon wat nie vrees nie, sal nie wysheid ontvang nie. Hierdie metode van "vernederdes verhoog" word dus somtyds gebruik sodat die wil vd Here uitgevoer kan word (bv. sodat iemand kan lei volgens die wil vd Here, en die mense dus sy leiding ontvang)(of sodat iemand kan lering gee volgens die waarheid, en dat mense ontvanklik is vir die woord)(ens.). Maar natuurlik is hierdie nie altyd die manier wat gebruik word nie, want baiemaal stuur die Here iemand, maar die persoon word nie ontvang nie... (en die Here laat dit toe om so te gebeur - ook met 'n doel;  bv. Sy Seun gestuur, en hulle het Hom gekruisig, maar l.w. dat daar ook 'n tyd was wat Hy verhoog is sodat die skares Sy lering en dade kon ontvang). 

- Waar 'n onderwerp bespreek word, kom wysheid goed te pas, kyk bv. in Hand.6... - hulle kon die wysheid en die Gees waardeur Stefanus gespreek het nie weerstaan nie.   

- In tye van verdrukking kan wysheid in iemand se guns tel, soos in Josef se geval... - God het hom uit al sy verdrukkinge verlos en hom guns en wysheid geskenk voor Farao - en dié het hom goewerneur gemaak oor Egipte en oor sy hele huis! (Hand. 7:10).

- Dit is deur wysheid wat Salomo die insig gehad het van hoe om in vrede te lewe met mense rondom, asook die insig gehad het om die tempel te bou (1 Kon. 5:12; 10:4). 

- Wysheid kom goed te pas wanneer besonderse kennis nodig is in 'n spesifieke veld (Eks. 28:3), bv. "kunsvaardiges", bv. die wat verantwoordelik was vir Aäron se heilige klere... Let wel dat hulle hierdie kunsvaardigheid verkry het deurdat die Here vir hulle 'n "gees van wysheid" gegee het (hulle gees is wys gemaak)(Eks. 28:3). Hier verwys dit beslis nie na wysheid wat verkry word oor jare nie, maar na wysheid wat ontvang word deur die Heilige Gees, soos nodig.  In v.4,5 word meer spesifieke dinge genoem van waarvoor hulle bekwaam gemaak is, bv. om kunstige planne uit te dink en hoe om dit uit te voer met die gebruik van verskillende metale, ook snywerk en houtsnywerk (Eks. 31:6 - "En kyk, Ek het hom Ohóliab bygegee, die seun van Ahísamag, van die stam van Dan. En in die hart van elkeen wat kunsvaardig is, het Ek wysheid gegee, dat hulle alles wat ek jou beveel het, kan maak"). Vgl. dit ook met Hiram in 1 Kon. 7:14. So hier kan ons sien dat die Here vir hom besonderse INSIG gegee het om verskillende handewerke te doen. In die geval van iets wat die Here wil laat uitvoer, sal Hy iemand wys maak sodat die persoon dit volgens Sy wil kan uitvoer... (Mat 23:34 - Hy gee hom die insig en kennis en maak hom bekwaam.

- 'n Wyse man kan grimmigheid tot bedaring bring (Spr. 29:8; 16:14; Dan. 2:14-16).

- "Wysheid van bo" het tot gevolg dat geregtigheid kan geskied (1 Kon. 3:16-28). 'n Volk wat geen wyses het wat hulle lei nie, is op die afdraende...

- Wysheid kom goed te hulp wanneer lering gegee word, bv. waar inligting vd vaders oorgelewer word (Job 15:18,19; Spr. 22:17; 24:23). 

- Deur wysheid (bv. wysheidspreuke) kan iets op die naam genoem word wat gewoonlik nie so maklik is om oor te dra nie - "die woorde van die wyse manne is soos prikkels..." (Pred. 12:11) - hierdie verwys na "woorde van wysheid" (soos die Gees 'n gawe "woord van wysheid" deur sommige gelowiges werk).

Kol. 1:11,12 leer vir ons dat die "wysheid van bo" dinge soos lankmoedigheid, lydsaamheid, dankbaarheid ens. tot gevolg het, en volgens v.10 'n begeerte na meer kennis (maar meer spesifiek, "kennis vd Here") en beskaafdheid (bv. onderdanigheid en goeie vrug, maar onderdanig aan die Here, en dra vrug vir Hom)... Ons sien dus dat prakties gesproke, "wysheid van bo" wonderbaarlik is vir die mens, want dit beinvloed lewenswandel en skep 'n begeerte by iemand om meer van die Here te leer. 

- Volgens 2 Pet. 3:15,16; Kol. 1:28; en Spr. 31:26 is dit die met wysheid wat kan onderrigting gee (die waarheid verkondig).  

- Die met wysheid kan toetse makliker te deurstaan (bv. versoekinge)(Jak. 1:5).

- Die met wysheid het insig om te weet hoe om ander mense te hanteer (bv. hoe om te wandel teenoor die wat buite is)(Kol. 4:5); en verstaan dinge wat ander mense nie verstaan nie (bv. verstaan die krag van God en roeping...)(Ef. 1:18-21).

- Die met wysheid kan oordeel, beoordeel en besluite neem (meer spesifiek, besluite wat tot geregtigheid lei)(1 Kor. 3:16-28). Uit heelwat ander Skrifte leer ons dat die met wysheid die verstand het om hulleself in woorde uit te druk, vermoë het om besluite te neem en om probleme op te los, kennis het, ens.  Die persoon met wysheid het raad (kan raad gee, beoordeel) en verstand (intelligent, diskresie, redenasie, verstaan)(Job 12:13; 28:12). Wysheid maak iemand m.a.w. "slim"! (Job 39:13-17), en deur wysheid verkry hy diskresie en weet hoe om subtiel op te tree, kan ander se bose bedoelinge onderskei (Spr. 8:12), ens...  

- Die wyse weet wanneer om stil te bly (Job 13:5) en wanneer om te praat  (Matt. 10:16 en Spr. 14:8). 

------------------------------------------------------------------------------------------------------------------------------
(5) Kom ons kyk na 'n paar voorbeelde/skrifte waarin die woorde "WYS/E" gebruik word:
 

-  Gen_41:33  Laat Farao dan nou uitkyk na ‘n verstandige ("bene" - intelligent, weet, tentatief, verstandig, ens.) en wyse (Hebr. woord " khaw-kawm' " - wyse, subtiel, uitgeslape) man en hom aanstel oor Egipteland. -IN HIERDIE GEVAL MOES DIE "WYSE MAN" 'N GROOT TAAK UITVOER, NL. OM VOOR TE BEREI VIR KOMENDE HONGERSNOOD. JOSEF WAS TOE OOR FARAO SE HUIS EN OOR DIE HELE EGIPTELAND AANGESTEL (net Farao self was bo hom). HIER SIEN ONS HOE "WYSE MENSE" DIE VERMOE HET OM LEIDING TE KAN NEEM (hulle het die insig en wysheid om dit te kan doen). 
-  1Ki_2:9  Maar nou moet jy hom nie ongestraf laat bly nie, want jy is ‘n wyse man; daarom sal jy weet wat jy hom moet aandoen, dat jy sy grys hare met bloed in die doderyk laat neerdaal. -IN HIERDIE GEVAL SOU "SALOMO WEET WAT OM TE DOEN" OMDAT HY WYSHEID HET... HY WAS DEUR DAWID BEVEEL OM IEMAND TE STRAF, MAAR WAS NIE VERTEL PRESIES HOE HY DIT MOES DOEN NIE.
-  Pro_16:14  Die grimmigheid van die koning is soos boodskappers van die dood, maar ‘n wyse man bring dit tot bedaring. - 'N WYSE MAN BRING GRIMMIGHEID TOT BEDARING.Vgl. dit met Spr. 29:8 - "Manne wat spot, bring ‘n stad in oproer, maar die wyse bring die toorn tot bedaring". Vgl. dit met Dan. 2:14-16.
-  Pro_24:5  ‘n Wyse man is sterk, en ‘n man van kennis ontwikkel krag. - 'N WYSE MAN IS STERK (verwys na krag of mag). 
-  Ecc_9:15  En daarin is ‘n arm wyse man gevind; dié het die stad deur sy wysheid gered, maar geen mens het aan daardie arm man gedink nie. - IN KONTEKS (kyk v. 14-18) WAS DIE WYSE MAN NA WIE HIER VERWYS WORD, 'N ARM MAN - hy het in 'n klein stadjie gebly met min manne daarin, en 'n groot kong het daarteen gekom en dit omsingel en groot beleëringswerke daarteen gebou... - en die wyse man kon die stad deur sy wysheid red, maar omdat hy 'n arm man was is op hom neergekyk (v.16-18 - "Toe het ek gesê: Wysheid is beter as heldekrag; maar die wysheid van die arme word verag, en na sy woorde word nie geluister nie. Woorde van wyse manne, wat rustig aangehoor word, is beter as die geskreeu van ‘n heerser onder die dwase. Wysheid is beter as oorlogswapens, maar een sondaar bederf baie goeie dinge"). WAT HELP DIT DAAR IS 'N WYSE MAN ONDER HULLE MAAR HULLE LUISTER NIE NA HOM NIE... - DIT IS WAT BAIEMAAL TUSSEN MENSE GEBEUR, IS DAT DAAR NEERGEKYK WORD OP DIE EEN MET WYSHEID - WAT TOT GEVOLG HET DAT DIT "DIE GOEIE DINGE BEDERF". En kyk ook die volgende verse/hfst. (10:1,2 - "Dooie vlieë laat die salf van die apteker stink en bederwe; ‘n bietjie dwaasheid weeg swaarder as wysheid, as eer. Die hart van die wyse is na regs, maar die hart van ‘n dwaas is na links).
-   (Pro 29:9)  Het ‘n wyse man met ‘n sot ‘n regsaak, dan gaan die sot te kere en lag, sonder bedaring.
-DIE WYSE WEET WANNEER OM TE PRAAT EN WANNEER OM STIL TE BLY. Vgl. dit met (Spr. 26:4,5 - "Antwoord ‘n dwaas nie na sy sotheid nie, sodat jy ook nie net soos hy word nie. Antwoord ‘n dwaas na sy sotheid, sodat hy nie wys is in sy eie oë nie).  
-  (Deu 1:13)  Bring tog wyse en verstandige en ervare manne aan volgens julle stamme, dat ek hulle as julle hoofde kan aanstel. - DIE WYSES IS GEWOONLIK DIE WAT INSTAAT IS OM TE KAN LEI.
-  (Deu 1:15-18 - "Toe het ek die hoofde van julle stamme, wyse en ervare manne, geneem en hulle as hoofde oor julle aangestel, owerstes oor duisend en owerstes oor honderd en owerstes oor vyftig en owerstes oor tien en opsigters volgens julle stamme. En ek het in dié tyd aan julle regters bevel gegee en gesê: Neem julle broers in verhoor en oordeel regverdig tussen ‘n man en sy broer en die vreemdeling wat by hom is. Julle mag in die gereg nie partydig wees nie; julle moet klein sowel as groot aanhoor; julle mag niemand ontsien nie, want die gereg is die saak van God. Maar die saak wat vir julle te moeilik is, moet julle na my toe bring, en ek sal dit in verhoor neem. So het ek julle dan in dié tyd al die dinge beveel wat julle moet doen). - DIE WYSES ONDER DIE VOLK WAS DIE WERK GEGEE OM REGSAKE TE HANTEER.  EN SOMMIGE IS WYSER AS ANDER (V. 18). MAAR LET WEL DAT AL WAS HIERDIE MENSE WYS, IS HULLE OOK BEVELE GEGEE - WYSE MENSE WEET NIE ALTYD ALLES NIE, EN MOET HULLE ONDERWERP AAN DIE HERE SE WIL.
-  (Est 1:13)  En die koning het aan die wyse manne, die kenners van die tye, gesê—want só word die sake van die koning aan al die kenners van wet en reg voorgelê; - IN HIERDIE SKRIF WORD "WYSE MANNE" GENOEM "DIE KENNERS VD TYE" - vgl. dit met 1 Kron. 12:20 (kyk die woorde "met kundige insig wat die tye betref, om te weet wat Israel moes doen"). HULLE WORD VERDER IN DIE SKRIF VERDUIDELIK AS "KENNERS VD WET EN REG". DIE WYSE MANNE WAS KENNERS VD TYE EN VD WET EN REG. In die ander volke rondom Israel het wyse manne ook gewoonlik verwys na die wyses en geleerdes (asook die besweerders en waarseers)(Dan 2:27), WAT OOK DAAROP WYS DAT DIE ALGEMENE PERSEPSIE VAN MENSE MET WYSHEID WAS DAT DIT VERWYS NA DIE WAT GELEERD IS EN WEET WAT OM TE DOEN - HULLE HET MEER INSIG IN 'N SITUASIE AS ANDER MENSE. IN DIE HEIDENSE VOLKE SE GEVAL HET WYSES O.A. VERWYS NA DIE BESWEERDERS EN WAARSEERS, MAAR NATUURLIK IN DIE GEVAL VD VOLK VAN GOD SOU DIT WYSES EERDER DAN VERWYS NA DIE WAT DIE TYE KEN en DIE PROFETE of SIENERS. Die konings het dus gewoonlik die wyse manne ingeroep wanneer hulle insig gesoek het, of raad op wat gedoen moes word (Est. 6:13; Dan. 5:7; ens.).
-  (Job 15:18,19)  wat die wyse manne verkondig sonder om iets te verberg, van hulle vaders af oorgelewer; aan hulle alleen was die land gegee, en geen vreemdeling het nog onder hulle deurgetrek nie. -IN HIERDIE SKRIF SIEN ONS DAT DIT DIE WYSE MANNE IS WAT LERING GEGEE HET (O.A. INLIGTING "VAN HULLE VADERS AF OORGELEWER". (Spr. 22:17 - "Gee gehoor en luister na die woorde van die wyse manne, en let op my kennis") ; (Spr. 24:23).
- (Pro 1:5)  laat die wyse luister, dan sal hy insig vermeerder, en die verstandige sal verstandige gedagtes verkry, - WYSHEID KOM WANNEER IEMAND "LUISTER" (dan sal sy insig vermeerder...). MENSE WAT LEER WORD WYS. Natuurlik is daar 'n verskil tussen wereldse wysheid en wysheid van bo - ons moet liewer die wysheid van bo begeer (wereldse wysheid is baiemaal dwaas)(Jes. 19:11; 10:8; ens.).(Jer 10:6,7 - "Geeneen is soos U nie, o HERE! U is groot, en u Naam is groot in krag. Wie sou U nie vrees nie, o Koning van die nasies? Want U kom dit toe; want onder al die wyse manne van die nasies en in hulle hele koninkryk is geeneen soos U nie").
- (Ecc 7:4,5)  Die hart van die wyse manne is in die klaaghuis, maar die hart van die dwase in die huis van vreugde. Dit is beter om te luister na die bestraffing van ‘n wyse as dat ‘n mens luister na die lied van die dwase. - DIE WYSE MAN "SIEN" WAT WERKLIK AANGAAN.
- (Ecc 7:7)  Sekerlik, afpersing maak ‘n wyse dwaas, en ‘n geskenk bederwe die hart. - DIE WYSE WEET WAT GEDOEN MOET WORD, MAAR KAN VERLEI WORD. HIERDIE IS IETS WAT BAIE AANGESPREEK IS IN VELE SKRIFTE, BV. VAN HOE DAAR NIE OMKOOPGESKENKE AANGENEEM MOET WORD NIE...  WANNEER 'N WYSE OMGEKOOP WORD, DAN KAN REG NIE GESKIED NIE, OF DIE WIL VAN DIE HERE KAN DAN NIE UITGEVOER WORD NIE.
- (Ecc 12:11)  Die woorde van die wyse manne is soos prikkels; en soos spykers, diep ingeslaan, is die versamelde spreuke; hulle is deur die enige Herder gegee. - DIE PREDIKER PRAAT HIER VAN HOE DIE WOORDE VAN WYSE MANNE (en verwys hier veral na wysheidspreuke) WOORDE VAN WAARHEID is, "soos prikkels, en soos spykers"... (vgl. met Jer. 23:29; Matt. 3:7; Hand. 2:37; Hebr. 4:12).
- (Isa 29:14)  daarom sal Ek voortgaan om wonderlik te handel met hierdie volk, wonderlik en wonderbaar; en die wysheid van hulle wyse manne sal vergaan, en die verstand van hulle verstandige mense sal wegskuil. - IN HIERDIE VB. WAS DIE STRAF DAT DIE WYSHEID SAL VERGAAN... 'n Volk sonder wyse manne is op sy afdraend... (Jer. 51:57).
- (Dan 2:18)  en dat hulle barmhartigheid van die God van die hemel moes afsmeek oor hierdie geheim, sodat hulle Daniël en sy metgeselle saam met die orige wyse manne van Babel nie sou ombring nie. - WYSE MANNE RAADPLEEG DIE HERE - HULLE SOEK DIE WYSHEID VAN BO.
- (Dan 2:21)  Hy tog verander die tye en die geleenthede; Hy sit konings af en stel konings aan; Hy verleen wysheid aan die wyse manne en kennis aan die wat insig het; -WYSHEID EN KENNIS KOM VAN DIE HERE. Hierdie verwys na "wysheid van bo" (dit is anders as wysheid wat aards is). Dit is eintlik die Here wat wys is, en Hy maak sekere mense wys...
- (Mat 23:34)  Daarom, kyk, Ek stuur profete en wyse manne en skrifgeleerdes na julle toe, en julle sal sommige van hulle doodmaak en kruisig en sommige van hulle in jul sinagoges gésel en van die een stad na die ander vervolg, - DIE HERE GEBRUIK WYSE MANNE OM SY WIL UIT TE VOER (bedien).

------------------------------------------------------------------------------------------------------------------------------

Donderdag 11 Januarie 2024

Opstandings / herlewings oor al die eeue

Hierdie is 'n kort OPSOMMING VAN OPSTANDINGS/HERLEWINGS OOR AL DIE EEUE:

Is daar iemand in die geskiedenis wat opgestaan het uit die dood?  Ja! 

In hierdie opsomming kyk ons na hierdie of sulke gevalle, asook wanneer nog toekomstige opstandings of herlewings sal plaasvind.  Alle mense sal opgewek word om geoordeel te word... (alhoewel nie almal in dieselfde soort liggame opgewek sal word of ditto liggame sal ontvang nie). Wat toekomstige opstandings of herlewings aanbetref sal die EERSTE OPSTANDING plaasvind aan die einde van "hierdie eeu" (wanneer Jesus terugkom) - die ander dooies sal eers HERLEWE aan die einde van die "volgende eeu" (aan die einde van die 1000 jaar)(Openb. 20:5,6). 

-----------------------------------------------------------------------------------------------------------------------------

(1) Jesus het EERSTE OPGESTAAN uit die dode (Hy is die "EERSTELING" - die "eerste" wat opgestaan het vd wat ontslaap het... -1 Kor. 15:4-8,20,23; Hand. 26:23; Kol. 1:18; Openb. 1:5).  Voor Hom was daar mense wat opgewek was uit die dood, ja (bv. Lasarus-Joh. 11:11-27)(en Eútichus-Joh. 20:7-12), maar dit was nie dieselfde soort opwekking as waarna "die opstanding" verwys nie; maar was bv. eerder slegs 'n verlenging van hulle lewens wat hulle gehad het (en hulle het weer doodgegaan) - hulle het m.a.w. opgestaan in ditto verganklike liggame. Die liggaam waarin Jesus egter opgestaan het was 'n ander 'n ander soort liggaam (1 Kor. 15:38-42), is bv. 'n "verheerlikte geestelike onverganklike liggaam" - dit is 'n liggaam wat nie kan sterwe nie (Luk. 20:36) en deur geslote deure of mure kan gaan (Joh. 20:19,26);  en alhoewel dit o.a. 'n "geestelike liggaam" genoem word is dit 'n vatbare liggaam (Joh. 20:20,27/"vlees en been") - die persoon kan kos eet (Luk. 24:42,43) en is steeds herkenbaar, maar dit wil voorkom of so 'n liggaam ook van gedaante kan verander (Mark. 16:12; Joh. 19:20 ens.).  

-----------------------------------------------------------------------------------------------------------------------------
(2) Daar was alreeds 'n "opstanding" van heiliges net nadat Jesus uit die dood opgestaan het (Matt. 27:52,53). Jesus Christus het eerste uit die dood opgestaan en daarna was daar 'n opstanding van ander heiliges..., maar was dit dieselfde soort opstanding? Daar is min inligting oor hierdie spesifieke "opstanding" van heiliges (wat net na Jesus se dood en opstanding plaasgevind het-Matt. 27:53). Na wie hierdie groep verwys, en of hulle in verheerlikte liggame opgestaan het, is nie seker nie...- ditis bes moontlik bloot mense wat nie lank dood was nie maar weer lewe gegee is (dus opgewek in ditto verganklike liggame en dus weer gesterwe het)(?).  

Al wat die Skrif hieroor leer is dat 
- (1) Jesus eerste opgestaan het uit die dood (Hand. 26:23), en na Sy opstanding 
- (2) het sommige grafte oopgegaan en baie liggame van ontslape heiliges het opgestaan en ook uit die grafte uitgegaan, en in Jerusalem ingegaan en aan baie mense verkyn...(27:52,53)(hierdie is duidelik 'n historiese gebeurtenis, maar ons weet nie wat met hierdie mense gebeur het nie). 
- Die volgende opstanding (3) sal wees wanneer Jesus terugkom, en word gewoonlik na verwys as "DIE OPSTANDING" (of die woorde "eerste opstanding" word gebruik, omdat dit die eerste is van toekomstige opstandings of herlewings...). 
-----------------------------------------------------------------------------------------------------------------------------
Toekomstige opstandings/herlewings:

(3)  Die wat in Christus gesterf het sal uit die dood uit opstaan in "DIE OPSTANDING"
"DIE OPSTANDING" is 'n begrip wat spesifiek gebruik word vir die opstanding vd kinders van die Koninkryk, wanneer Jesus terugkom (aan die einde van "hierdie eeu")(1 Kor. 15; Jes. 25:8; Hos. 13:14; Matt. 22:23-31; Joh. 11:24,25; Hand. 17:32; 26:23; Fil. 3:11; Hebr. 11:35). Opstanding of herlewing gaan gepaard met oordeel - die wat bv. deel het aan die volgende opstanding (wanneer Jesus terugkom),  sal voor CHRISTUS SE REGTERSTOEL verskyn (Rom. 14:10; 2 Kor. 5:10; Joh. 5:29; Matt. 25:31,32; Joh. 5:22; Hand. 10:42; 17:31; 1 Kor. 4:5; 1 Pet. 4:5). Wanneer Hy terugkom sal Hy die wat in Hom ontslaap het (se geeste) saam met Hom bring (1 Thess. 4:14) en hulle liggame sal opstaan (1 Thess. 4:14-16)(sommige sal opstaan tot lewe en sommige tot veroordeling-Joh. 5:29), en dan sal die (heiliges) wat in die lewe oorgebly het ook nuwe liggame kry (waarna oor die algemeen verwys word as "die wegraping"-1 Thess. 4:16,17). En l.w. dat geestelike mense wat nog in die lewe is wanneer Jesus terugkom, se liggame ook verander sal word! (hierdie is meer bekend as "die wegraping", en is terloops deel vd "opstanding" - wanneer Jesus terugkom sal "die opstanding" eerste plaasvind, en daarna die "wegraping"...). 

(4) die ander DODE SAL HERLEWE aan die einde van die "volgende eeu";  m.a.w., die wat nie opstaan aan die einde van "hierdie eeu" nie (die wat nie deel het aan "die opstanding" nie), sal herlewe aan die einde vd "volgende eeu" - m.a.w. na of aan die einde van die 1000jaar tydperk-Openb. 20:5, en hulle sal in die WIT TROON OORDEEL verskyn (Openb. 20:11-15). Dan sal die dood en doderyk in die poel van vuur gegooi word.. (ook genoem, die "tweede dood"/wanneer beide die liggaam en siel verderf word/Matt. 10:28).  Die see en dood en doderyk sal die dode gee wat daarin is (Openb. 20:11-15), en elkeen sal geoordeel word volgens hulle werke... Hierdie geval van "dooies wat herlewe" aan die einde vd "volgende eeu" moet dus nie verwar word met "die opstanding" aan die einde van "hierdie eeu" nie - die opstanding vind plaas wanneer Jesus terugkom (en almal wat deel het aan die opstanding sal voor die regterstoel van Christus verskyn), maar die ander dooies sal eers herlewe aan die einde van Sy 1000-jaar regering (en hulle sal voor die wit troon oordeel verskyn)

------------------------------------------------------------------------------------------------------------------------------

Maandag 08 Januarie 2024

Laster / godslasterlik / kwaadspreek / belaster

Vir ander poste waarin hierdie onderwerpe o.a. behandel word, gaan na:

https://warechristene.blogspot.com/2020/09/mislei-misleiding-verlei-verleier.html

https://warechristenedagstukkies.blogspot.com/2019/09/ons-moet-versigtig-wees-wat-ons-oor-of.html

https://warechristenedagstukkies.blogspot.com/2021/05/die-kenmerke-van-n-verleier.html

------------------------------------------------------------------------------------------------------------------------------

Wat beteken die woorde laster, godslasterlik, kwaadspreek, en belaster:

(Rol af vir skrifte en Grieks en Hebreeuse betekenisse).

-LASTER: Mense wat laster is leuenaars, en die rede waarom hulle laster is om ander te verlei of te bedrieg. As iemand God se naam laster verwys dit gewoonlik na spot of veragting, of om aan te kla of blameer (soos in die geval van "belaster")(2 Sam. 12:14; Jes. 52:5; Spr. 30:10); maar dit kan ook verwys na iemand wat lieg oor wat God se naam is... (bv. om 'n afgod voor te stel as God)(Lev. 24:16). Die ou duiwel is 'n bekende lasteraar/leuenaar (Joh. 8:44),;  maar mense neem ook somtyds hierdie rol op... (1 Joh. 2:26; 3:7; Luk. 21:8; Mark. 13:5,6; Matt. 24:4,5,11,24). Lasteraars en kwaadsprekers val gewoonlik onder die kategorie van valse leraars, valse profete, of valse broeders (alhoewel onkundiges ook somtyds mense kan mislei). Een vd kenmerke van verleiers is dat hulle kwaadspreek of laster - toe die duiwel vir Eva verlei het om verkeerd te doen, het hy kwaadgespreek van God (Hom voorgestel as 'n leuenaar) en gelaster deur die waarheid te verander in 'n leuen.

-GODSLASTERLIK: Net soos kwaadspreek en laster beteken om "vals te spreek" (en die rede is om te mislei), net so beteken "godslasterlik praat" om vals te praat - maar in hierdie geval verwys dit spesifiek na die wat voorgee dat hulle kan doen wat God doen of (soos) God is (Joh. 10:33-38; Mark. 2:7). 

-KWAADSPREEK: "Kwaadspreek" (1 Pet. 3:16; Jak. 4:11; Hand. 23:5; Mark. 9:39; Ps. 109:20; 41:5) is baie dieselfde as "om te laster" (Jud. 1:8), en word gewoonlik gebruik waar iemand iemand anders beledig, vloek, of vals aankla (Hand. 19:9 ens.). Somtyds word dieselfde Griekse woord gebruik vir kwaadspreek en laster, maar dan in sommige skrifte (AOV) vertaal as kwaadspreek, en in ander vertaal as laster. Kwaadspreek is soos om bedrog te pleeg... (1 Pet. 3:10) - dit is die tipiese "storiesaandraers" wat leuens verkondig... - een wat kwaadspreek van 'n ander praat nie die waarheid nie (die rede is "om te mislei"). Die begrip "kwaadsprekers" verwys ook nie net na die wat kwaadpraat van ander nie, maar ook na die wat kwaadpraat vd waarheid (bv. hulle verkondig wat vals is of verdraai die waarheid) - en in hierdie konteks word daar gewoonlik eerder daarna verwys as "laster". Wat kinders vd Koninkryk aanbetref sal kwaadsprekers NIE die koninkryk van God beërwe nie.... (1 Kor. 6:10) - dit verwys na die wat in hierdie sonde stap en dit nie afle nie.

-BELASTER:  Dit is dieselfde as om te laster of kwaad te praat (beledig, laster), maar meer in die sin van stories aandra. Dit verwys na die wat "rondgaan in kwaadsprekery"... - maw, iemand wat kwaadpraat deur stories aan te dra. Hulle is gewoonlik agterbaks en stook mense op om die leuen oor iets of iemand te glo (2 Sam. 19:27). Die woord word gewoonlik gebruik in konteks met "iemand aankla" (Spr. 30:10) of blameer (diskrediteer)(2 Kor. 8:20; 1 Pet. 3:16). 

------------------------------------------------------------------------------------------------------------------------------

Is LASTER en KWAADSPREEK vergeeflike sondes?

"LASTER" (iemand vloek, kwaadpraat, belaster, stories aandra, beledig, beswadder, ens.) is een vd sondes wat bloedskuld veroorsaak - in die O.T. was dit 'n onvergeeflike sonde, bv. in die sin van sondeoffers).  Mense met bloedskuld was die tipiese "vervloektes" van die O.T. en al manier hoe kinders vd Koninkryk wat bloedskuld het vergifnis kon kry (sodat hulle nie eendag onder oordeel val nie), was deur eie bloed (moes gedood word/moes met eie lewe betaal)(Lev. 24:16). In daardie opsig was daar sekerlik "'n offer" (as jy dit so wil sien), maar die persoon se lewe was kortgesny... In die N.T. is daar wel 'n offer vir kinders vd Koninkryk wat bloedskuld opdoen sodat hulle nie eendag daarvoor geoordeel word nie, en dit is deur Jesus Christus se bloedoffer; MAAR natuurlik moet die persoon daardie sonde afle, anders verander dit in sonde tot dood... Ja, kinders vd Koninkryk sal eendag ook op hulle woorde geoordeel word, en sondes soos laster en kwaadspreek wat nie afgele word nie, kan verander in "sonde tot die dood"... (Rom. 6:16; Jak. 1:15; 1 Joh. 5:16,17; Joh. 12:25; Hebr. 10:26,27; 1 Kor. 6:10; ens.)(sonde tot die dood vrwys na sonde wat die dood verdien...- verwys dus na die wat onder oordeel sal val, nl. die tweede dood)(Hebr. 6:4-8). Lastering is 'n ernstige sonde en kinders vd Here wat dit nie afle nie, kan eendag a.g.daarvan onder ewige oordeel val (1 Kor. 6:10). In die eerste gemeentes was gelowiges beveel om nie om te gaan nie, en hulle af te keer van broeders wat kwaad spreek (1Kor. 5:11; 2 Tim. 3:5); en was verder beveel om nie eens saam met so iemand te eet nie.  "Kwaadsprekers" word o.a. beskryf as mense "wat ‘n gedaante van godsaligheid het, maar die krag daarvan verloën het". 

Daar is 'n geval waar LASTERING in die N.T. onvergeeflik is (en sal ook onvergeeflik wees in die "volgende eeu"), en dit is "lastering teen die Heilige Gees" (Matt. 12:31,32).  Of "eie bloed" vir hierdie sonde kan betaal is nie seker nie want die Skrif gee nie vir ons uitsluitsel hieroor nie - of die Here kinders vd Koninkryk met hierdie sonde vroeer wegneem (sou hulle bv. daarvoor bid) en hulle so vergewe, kan miskien so wees... (?).

------------------------------------------------------------------------------------------------------------------------------

Laster / gelaster:

(1) Lev_24:16  En wie die Naam van die HERE laster, moet sekerlik gedood word; die hele vergadering moet hom sekerlik stenig. Die vreemdeling net soos die kind van die land as hy die NAAM laster, moet hy gedood word. Die woord "laster" is die Hebreeuse woord "naw-kab'" (Lev. 24:16), wat beteken om te laster en in wese verwys na 'n gebaar soos om verwoes gate in iets te druk... - dit kan na enige van die volgende woorde verwys "vloek, uitdruk, naam, met gate, steek, deursteek, boor".

(dieselfde Hebr. woord word in Lev. 24:11 gebruik vir "laster"/gelaster):

Lev_24:11  Toe het die seun van die Israelitiese vrou die NAAM gelaster en gevloek. Daarom het hulle hom na Moses gebring. En die naam van sy moeder was Sélomit, die dogter van Dibri, van die stam van Dan.

(2) 2Sa_12:14  Maar omdat u die vyande van die HERE deur hierdie saak aanleiding gegee het om grootliks te laster, sal die kind wat vir u gebore is, ook sekerlik sterwe. 'n Ander woord wat gebruik word vir "laster", is die Hebr. woord "naw-ats'" (2 Sam. 12:4), wat in wese verwys na minagting - "laster, verag, floreer, verafsku, uitlok". 

(dieselfde Hebr. woord word gebruik in Jes. 52:5 vir die woord "laster"/gelaster):

Isa_52:5  Maar nou, wat vind Ek hier? spreek die HERE; want my volk is vir niks weggeneem, sy oorheersers maak geraas, spreek die HERE, en my Naam word gedurigdeur die hele dag gelaster.

(3) Psa_15:3  wat nie rondgaan met laster op sy tong nie, sy vriend geen kwaad doen en geen smaadrede uitspreek teen sy naaste nie; Die Hebr. woord "raw-gal'" word ook gebruik (Ps. 15:3), wat in wese verwys na rondgaan in kwaadsprekery - iemand wat kwaadspreek deur stories aan te dra, agterbaks, soek, laster, bespeur, bekyk, lei in rigting".

(4) Psa_35:15  Maar as ek struikel, is hulle bly en kom bymekaar; hulle vergader teen my, lae mense en die wat ek nie ken nie; hulle laster sonder ophou. Hebr. woord "kaw-rah'", wat in wese verwys na oe verf soos om dit groter te maak, beledig - sny uit, skeur. 

(5)  Act_19:37  Want julle het hierdie manne gebring, wat geen tempelrowers is nie en ook nie julle godin laster nie. Die Griekse woord "blas-fay-meh'-o" , wat gaan oor beswadder -belaster, spoor aan, beledig, praat kwaad 

(dieselfde Griekse woord word in Hand. 26:11, 1 Tim. 1:20, Mark. 3:29, Luk. 12:10, Rom. 2:24, 1 Pet. 4:14, 2 Pet. 2:2; Openb. 16:9,11,21 gebruik vir "laster"):

Act_26:11  En in al die sinagoges het ek hulle dikwels gestraf en gedwing om te laster; en ek het uitermate teen hulle gewoed en hulle vervolg, selfs tot in die buitelandse stede.

1Ti_1:20  onder wie daar is Himenéüs en Alexander, wat ek aan die Satan oorgegee het, sodat hulle kan leer om nie te laster nie.

Mar_3:29  maar wie teen die Heilige Gees gelaster het, het geen vergifnis tot in ewigheid nie, maar is skuldig aan die ewige oordeel—

Luk_12:10  En elkeen wat ‘n woord teen die Seun van die mens sal spreek, dit sal hom vergewe word; maar vir hom wat gelaster het teen die Heilige Gees, sal dit nie vergewe word nie.

Rom_2:24  Want, soos geskrywe is, die Naam van God word om julle ontwil onder die heidene gelaster.

1Pe_4:14  As julle beledig word oor die Naam van Christus, is julle gelukkig, omdat die Gees van die heerlikheid en van God op julle rus. Wat hulle betref, word Hy wel gelaster; maar wat julle betref, word Hy verheerlik.

2Pe_2:2  en baie sal hulle verderflikhede navolg, en om hulle ontwil sal die weg van die waarheid gelaster word;

Rev_16:9  En die mense is geskroei met ‘n groot hitte, en hulle het die Naam van God gelaster wat mag het oor hierdie plae, en hulle het hul nie bekeer om Hom heerlikheid te gee nie.

Rev_16:11  en hulle het die God van die hemel gelaster oor hulle pyne en oor hulle swere, en het hulle nie bekeer van hul werke nie.

Rev_16:21  en groot hael, omtrent ‘n talent swaar, het uit die hemel op die mense geval; en die mense het God gelaster oor die plaag van die hael, omdat sy plaag ontsettend groot was.

(6) Col_3:8  Maar nou moet julle ook dit alles aflê, naamlik toorn, woede, boosheid, laster, skandelike taal uit julle mond. Gr. woord "blas-fay-me'-ah", beswaddering - laster, kwaadpraat.

(dieselfde Griekse woord word in 1 Pet. 4:4, Jud. 1:8 en Openb. 13:6 gebruik vir "laster"):

1Pe_4:4  Daarom vind hulle dit vreemd as julle nie saamloop in dieselfde uitgieting van losbandigheid nie, en hulle laster.

Jud_1:8  Tog besoedel ook hierdie mense net so in hulle dromerye die vlees en verag die heerskappy en laster die heerlike wesens.

Rev_13:6  En hy het sy mond oopgemaak om te laster teen God, om sy Naam en sy tabernakel en die wat in die hemel woon, te laster.

(7) 2Ki_19:6  sê Jesaja vir hulle: So moet julle jul heer antwoord: So spreek die HERE: Vrees nie vir die woorde wat jy gehoor het, waarmee die dienaars van die koning van Assirië My gelaster het nie. Hebr. woord "gaw-daf'", belaster - laster, verwyt.

(dieselfde Hebr. woord word in 2 Kon. 19:22, en Jes. 37:6,23 gebruik vir "laster"/gelaster):

2Ki_19:22  Wie het jy gesmaad en gelaster? En teen wie het jy die stem verhef en jou oë hoogmoedig opgehef? Teen die Heilige van Israel!

Isa_37:6  sê Jesaja vir hulle: So moet julle jul heer antwoord: So spreek die HERE: Vrees nie vir die woorde wat jy gehoor het, waarmee die dienaars van die koning van Assirië My gelaster het nie.

Isa_37:23  Wie het jy gesmaad en gelaster? En teen wie het jy die stem verhef en jou oë hoogmoedig opgehef? Teen die Heilige van Israel!

------------------------------------------------------------------------------------------------------------------------------

Godslasterlik/e ; godslastering/e:

(1) Mat_9:3  En sommige van die skrifgeleerdes het by hulleself gesê: Hierdie man praat godslasterlikDie Griekse woord "blas-fay-meh'-o" , wat gaan oor beswadder -belaster, spoor aan, beledig, praat kwaad.

(dieselfde Griekse woord word ook in Matt. 25:65, Joh. 10:36, Hand. 18:6, Matt. 26:5 gebruik vir "godslasterlik"): 

Mat_26:65  Toe verskeur die hoëpriester sy klere en sê: Hy het godslasterlik gespreek, wat het ons nog getuies nodig? Kyk, nou het julle sy godslastering gehoor!

Joh_10:36  sê julle vir Hom wat die Vader geheilig en in die wêreld gestuur het: U spreek godslasterlik—omdat Ek gesê het: Ek is die Seun van God?

Act_18:6  Maar toe hulle aanhou om teëstand te bied en godslasterlike dinge te spreek, het hy sy klere uitgeskud en vir hulle gesê: Julle bloed is op julle hoof. Ek is rein. Van nou af sal ek na die heidene gaan.

(2) Mar_2:7  Waarom praat hierdie man so godslasterlik? Wie kan sondes vergewe behalwe Een, naamlik God? Gr. woord "blas-fay-me'-ah", beswaddering - laster, kwaadpraat.

(dieselfde Griekse woord word ook in Luk. 5:21, Openb. 17:3, Mark. 14:64, Joh. 10:33, Openb. 13:1,5 gebruik vir "godslasterlik"/e):

Luk_5:21  En die skrifgeleerdes en die Fariseërs het begin redeneer en sê: Wie is Hy wat so godslasterlik praat? Wie kan sondes vergewe behalwe God alleen?

Rev_17:3  En hy het my in die gees weggevoer na ‘n woestyn, en ek het ‘n vrou sien sit op ‘n skarlakenrooi dier, vol godslasterlike name, met sewe koppe en tien horings.

Mar_14:64  Julle het die godslastering gehoor; wat dink julle? En hulle het almal Hom veroordeel dat Hy die dood skuldig was.

Joh_10:33  Die Jode antwoord Hom en sê: Dit is nie oor ‘n goeie werk dat ons U stenig nie, maar oor godslastering, en omdat U wat ‘n mens is, Uself God maak.

Rev_13:1  En ek het ‘n dier uit die see sien opkom met sewe koppe en tien horings, en op sy horings tien krone en op sy koppe ‘n naam van godslastering.

(Rev 13:5)  En ‘n mond is aan hom gegee wat groot woorde en godslasteringe uitspreek, en aan hom is mag gegee om dit twee en veertig maande lank te doen.

(3) Job_34:7  Waar is ‘n man soos Job wat godslastering drink soos water? Die Hebr. woord "lah'-ag" - bespotting, minagting.

------------------------------------------------------------------------------------------------------------------------------

Kwaadspreek / kwaad gespreek / kwaadsprekers:

(1) Mar_9:39  Maar Jesus sê: Moet hom nie belet nie, want daar is niemand wat ‘n krag in my Naam sal doen en gou van My sal kan kwaadspreek nie; Die Griekse woord "kak-ol-og-eh'-o", beledig - vloek, praat kwaad".

(dieselfde Gr. woord word in Hand. 19:9 gebruik van "kwaadspreek"):

Act_19:9  Maar toe sommige hulle verhard en ongehoorsaam was en voor die menigte aanhou kwaadspreek van die Weg, het hy van hulle weggegaan en die dissipels afsonderlik geneem en elke dag in die skool van ‘n sekere Tiránnus samesprekinge gehou.

(2) (1Ti 5:14)  Ek wil dan hê dat die jong weduwees moet trou, kinders baar, hulle huise regeer en die teëparty geen aanleiding gee om kwaad te spreek nie. Die Gr. woord "loy-dor-ee'-ah", laster - verwyt.

Gen_31:29  Dit is in my mag om julle skade aan te doen, maar die God van julle vader het verlede nag met my gespreek en gesê: Pas nou op om met Jakob geen goed of kwaad te spreek nie.

(3) Rom_14:16  Laat dan van die goeie wat aan julle behoort, nie kwaad gespreek word nie.Die Griekse woord "blas-fay-meh'-o" , wat gaan oor beswadder -belaster, spoor aan, beledig, praat kwaad.

Kwaadspreker/s:

(1) Lev_19:16  Jy mag nie as ‘n kwaadspreker onder jou volksgenote rondloop nie. Jy mag nie teen die lewe van jou naaste optree nie. Ek is die HERE. Die Hebr. woord "raw-keel'", skandaalmaker - dra stories aan.

(dit is dieselfde woord wat gebruik word in Eseg. 22:9 van "kwaadspreker"/s):

Eze_22:9  Kwaadsprekers was daar in jou om bloed te vergiet, en by jou het hulle op die berge geëet en skandelikheid in jou gedoen.

(2) Psa_140:12(11)  Laat die kwaadspreker nie op aarde bevestig word nie; die man van geweld—laat die ongeluk hom jaag met slag op slag. Die Hebr. woord "law-shone'", tong, praat - babbel, taal praat kwaad, wig.

(3) 1Co_5:11  maar nou skryf ek aan julle om nie om te gaan met iemand wat, al staan hy as ‘n broeder bekend, ‘n hoereerder is of ‘n gierigaard of ‘n afgodedienaar of ‘n kwaadspreker of ‘n dronkaard of ‘n rower nie; met so iemand moet julle selfs nie saam eet nie. Die Gr. woord "loy'-dor-os", beledigend - lasteraar, kwaadspreker.

(dit is dieselfde woord wat gebruik word in 1 Kor. 6:10 van "kwaadspreker"/s):

1Co_6:10  Moenie dwaal nie! Geen hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die koninkryk van God beërwe nie.

(4) Rom_1:30  nuusdraers, kwaadsprekers, haters van God, geweldenaars, trotsaards, grootpraters, uitvinders van slegte dinge, ongehoorsaam aan die ouers; Die Gr. woord "kat-al'-al-os", spraaksaam teen lasteraar - agterbaks.

(5) 2Ti_3:3  sonder natuurlike liefde, onversoenlik, kwaadsprekers, bandeloos, wreed, sonder liefde vir die goeie, Dit is die Gr. woord "dee-ab'-ol-os", opspoorder - vals aanklaer, duiwel, lasteraar.

------------------------------------------------------------------------------------------------------------------------------

Belaster:

(1) 2Sa_19:27  Hy het ewenwel u dienaar by my heer die koning belaster, maar my heer die koning is soos ‘n engel van God: doen dan wat goed is in u oë. Die Hebr. woord "raw-gal'" word ook gebruik (Ps. 15:3), wat in wese verwys na rondgaan in kwaadsprekery - iemand wat kwaadspreek deur stories aan te dra, agterbaks, soek, laster, bespeur, bekyk, lei in rigting".

(2) Pro_30:10  Belaster nie ‘n slaaf by sy heer nie, sodat hy jou nie vloek en jy daarvoor moet boet nie. Die Hebr. woord "law-shan'", "swaai tong" om te laster - kla aan, laster.

(3) Rom_3:8  En moet ons nie liewer sê nie, soos ons belaster word en soos sommige beweer dat ons sê: Laat ons kwaad doen, sodat die goeie daaruit kan voortkom? Hulle veroordeling is regverdig.Die Griekse woord "blas-fay-meh'-o" , wat gaan oor beswadder -belaster, spoor aan, beledig, praat kwaad.

(dit is dieselfde woord wat in 1 Kor. 4:13, 10:30; 1 Tim. 6:1, Tit. 2:5, 3:2, Jak. 2:7, 2 Pet. 2:10,12, Jud. 21:10 gebruik word van "belaster"):

1Co_4:13  word ons belaster, ons troos; soos uitvaagsels van die wêreld het ons geword, die afskraapsel van almal tot nou toe. 

1Co_10:30  En as ek iets met danksegging geniet, waarom word ek belaster oor iets waarvoor ek dank?

1Ti_6:1  Almal wat diensknegte is onder ‘n juk, moet hulle eie here alle eer waardig ag, sodat die Naam van God en die leer nie belaster mag word nie.

Tit_2:5  ingetoë te wees, kuis, huislik, goed, aan hul eie mans onderdanig, sodat die woord van God nie belaster word nie.

Tit_3:2  om niemand te belaster nie, nie strydlustig te wees nie, vriendelik te wees en aan alle mense alle sagmoedigheid te bewys.

Jas_2:7  Is dit nie hulle wat die edele Naam belaster wat oor julle aangeroep is nie?

2Pe_2:10  en veral die wat die vlees in vuile begeerlikheid agternaloop en die heerskappy verag. Vermetel en aanmatigend, skroom hulle nie om die heerlike wesens te belaster nie,

 2Pe_2:12  Maar hulle sal, omdat hulle belaster wat hulle nie ken nie, soos redelose diere wat die natuur volg, gebore om gevang en vernietig te word, in hulle verdorwenheid te gronde gaan

Jud_1:10  Maar hierdie mense belaster alles wat hulle nie ken nie; en alles wat hulle, soos die redelose diere, op natuurlike wyse verstaan, daardeur gaan hulle te gronde.

(4) 2Co_8:20  om te voorkom dat iemand ons sou belaster in verband met hierdie groot bydrae wat deur ons berei word. Dit is die Gr. woord "mo-mah'-om-ahee", diskrediteer - blameer.

(5)1Pe_3:16  met behoud van ‘n goeie gewete, sodat in die saak waarin hulle van julle kwaad spreek soos van kwaaddoeners, húlle beskaam mag word wat julle goeie lewenswandel in Christus belaster. Die Griekse woord "ep-ay-reh-ad'-zo", beledig, laster - kla vals aan.

Dinsdag 02 Januarie 2024

Uiteensetting: Die Liggaam (Voedsel en Water / Vas)

Onder die studie van "DIE LIGGAAM" (vd mens)(waar ons gekyk het na verskillende begrippe wat onder die tema van "liggaam" behandel kan word), was die vierde punt "VOEDSEL (en water)(en vas)".  In hierdie pos kyk ons bietjie meer in diepte na hierdie begrip.
----------------------------------------------------------------------------------------------------------------
VOEDSEL (en water):

Die liggaam kan nie sonder voedsel (en water) lewe nie. Maar dit is nie net die UITERLIKE MENS (liggaam letterlik) wat voedsel en water nodig het nie, maar ook die INNERLIKE MENS (liggaam figuurlik)
(https://warechristene.blogspot.com/2017/10/honger-dors-vreemdeling-naak-siek.html)
(https://warechristene.blogspot.com/2018/06/water-vir-lewe.html).


God het alles geskep, en hy voorsien voedsel aan alle vlees (Psa 136:25)(1 Tim. 6:8);  en Hy besluit wat vir ons as voedsel dien en wat nie (Gen. 1:29,30). Van die begin was die mens bv. verbied om bloed te eet, en in die N.T. word dit steeds verbied...  Sommige geleerdes verdeel die tyd of eeue vd begin vd skepping af tot nou, in verskillende "bedelings". In elkeen van hierdie "bedelings" het God bekend gemaak wat Hy vir ons "heilig" (afsonder) as VOEDSEL, en wat nie. Dit wil voorkom of die eerste mense op aarde geen vleis geeet het nie (?) - dit was nie vir hulle geheilig/afgesonder nie (Gen. 1:29; 9:3)(http://warechristenedagstukkies.blogspot.com/2016/11/die-eet-van-rein-en-onrein-diere.html), maar vanaf Gen. 9 is hulle toegelaat om vleis te eet (is toe geheilig, alhoewel net sekere diere toe geheilig is of afgesonder om van te kan eet. Hier kan ons sien dat "wat God rein maak" mag ons nie onheilig ag nie (Hand. 10:15; 11:9). Dit is bv. verkeerd om Christene in die N.T. onder dieselfde koswete te plaas ouer testament, bv. om mense te verbied om vleis te eet... Wat God rein verklaar, mag ons nie onheilig ag nie (http://warechristenedagstukkies.blogspot.com/2018/07/onderskei-tussen-wat-is-heilig-en-wat.html). In die N.T. het ons ook reëls van wat ons mag eet en wat nie, bv. ons mag nie bloed eet nie (bloed is dus nie vir ons geheilig nie); en moet bv. kos wat tot aanstoot is tot 'n ander broeder, vermy; ens. 

------------------------------------------------------------------------------------------------------------------------------
Die gees vd mens (innerlike mens) het geestelike kos en water nodig:

Wat geestelike voedsel en water aanbetref, is ook nie alles vir die mens geheilig (afgesonder) nie! 

Die liggaam (die uiterlike mens) kan nie lewe sonder voedsel en water nie, net so kan die innerlike mens ook nie lewe sonder (geestelike) voedsel water nie...  En net soos nie alles vir die liggaam geheilig is nie, net so is ook nie alle geestelike voedsel en water vir die innerlike mens geheilig nie. Kinders vd Koninkryk word bv. verbied om water te drink by afgode en voedsel te eet van heidense bronne verkry, want net soos onrein voedsel die liggaam kan "besoedel", net so kan verkeerde geestelike voedsel en water die mens van binne besoedel. Ons moet dus verstaan dat ons innerlike mens ook voedsel en water nodig het, maar die regte soort!  Wanneer ons praat van voedsel vir die INNERLIKE MENS, dan is nie alle soorte "voedsel" goed nie (want nie alle voedsel is vir die geestelike mens geheilig nie - net soos in die geval vd uiterlike mens). Figuurlik is ook net sekere soorte voedsel rein vir die Christen -  bv. kinders vd Here moet in Hom bly en Sy woorde soek en ken, en Hom raadpleeg - ons moenie ander gode raadpleeg of heidense geloofspraktyke navolg en so die verkeerde water drink nie; of vals en verdraaide leerstellings "eet" nie, want dit kan ons onrein maak (en l.w. dat daar geskryf is aan Christene dat onreines nie sal ingaan in die koninkryk van God nie! - Ef. 5:5) - bestudeer gerus die tema "gruwels" om hierdie beter te verstaan (https://warechristene.blogspot.com/2023/12/gruwels.html), asook die tema van "raadpleeg" - die Here moet ons bron wees (https://warechristene.blogspot.com/2019/10/die-here-ons-bron.html). Maak seker dat as jy onrein geword het deur verkeerde geestelike voedsel en water, jy dit bely voor die Here en aflê, sodat jy rein kan word. Daar word vele dinge in die Skrif genoem wat mens onrein maak, veral sondes wat bloedskuld veroorsaak (https://warechristene.blogspot.com/2016/09/verontreinig-ontheilig.html). Bv., sekere soort "gemeenskap" is geoorloof (bv. gemeenskap tussen gelowiges, aan die evangelie, vd Heilige Gees, ens.);  maar sekere soorte gemeenskap is ons nie geoorloof nie (bv. vleeslike gemeenskap word nie in alle gevalle toegelaat nie) - bv. bloedskande, owerspel, hoereerdery, ens. maak mens onrein. "Eie wil" kan gesien word soos verkeerde kos en water, en het beslis 'n invloed op die mens se innerlike.

Dit is dus belangrik dat ons nie net aandag gee aan ons uiterlike (wat ons mag eet en drink en wat nie), maar ook aan ons innerlike - ons innerlike het die regte soort kos en water nodig. Geestelike voedsel verwys o.a. na die woorde van God, en gaan oor om Sy wil te doen en om die werke te doen soos wat Hy aan elkeen toebedeel (Joh. 4:32-34)(https://warechristene.blogspot.com/2017/10/honger-dors-vreemdeling-naak-siek.html). Dit verwys na die Here se woord/waarheid/wil, en is belangrik vir kinders vd Here, wat hierdie kos "op tyd nodig het"... (Matt. 24:45). "Die arbeider is ook sy voedsel werd" (Mat 10:10; 24:45) - dus, om Sy wil te doen, en die werk wat Hy aan iemand toevertrou, het tot gevolg dat so iemand "sy voedsel werd is" - dit is m.a.w. vir hom "soos voedsel". Die mens doen letterlik werk om sy voedsel te verdien - figuurlik gesproke is dit ook waar. Die eiewys Christen wat sy eie wil doen, of staatmaak op vleeslike wysheid, is nie besig om te arbei vir die Here (deur Sy wil te doen en soek) nie - en is dus nie sy voedsel werd nie. As 'n kind vd Koninkryk nalaat om die Here te raadpleeg of die werk te doen wat die Here vir hom gee, sal hy vind dat sy innerlike "honger ly". Die persoon sonder water (geestelik bedoel/innerlike) word in die Skrif o.a. voorgestel soos 'n dor land... As die mens (wat terloops met grond voorgestel kan word) (innerlik sowel uiterlik) nie "water" kry nie, sal hy sterf (https://warechristene.blogspot.com/2018/06/water-vir-lewe.html). Geestelik verwys water na die woorde van God, na Jesus Christus, en die Gees van God - in die Skrif word die Here o.a. soos "'n fontein van water". Sonder die Here en Sy woorde, en sonder Jesus Christus, kan niemand lewe nie!

Kos en water is ook nodig vir GROEI.  Sonder kos en water kan 'n plant nie groei nie en dus nie VRUG dra nie... Wat die gees vd mens aanbetref (wat baiemaal soos saad of 'n plant voorgestel word), het die mens se gees die regte soort voedsel en water nodig om te kan groei en vrug dra (en l.w. dat kinders vd Koninkryk wat geen vrug dra wanneer Jesus terugkom nie, sal uitgewerp word - Joh. 15:4 - vgl. dit ook met die gelykenis vd saaier, en sien ook die dinge wat veroorsaak dat iemand vrug verloor, 3de groep in die gelykenis vd saaier). Sien hier die belangrikheid van om in die Here te bly, want sonder Hom kan ons nie vrug dra nie... - ons moet dus die kos en water wat ons nodig het om te kan lewe, by Hom kry (want sonder hierdie "kos en water" sal ons doodgaan)(Joh. 15:4-6). 

------------------------------------------------------------------------------------------------------------------------------
Die belangrikheid van vas:
Alhoewel iemand nie eet wanneer hy vas nie, gaan opregte vas nie oor "honger ly" nie, maar is eerder soos om gevoed te word! (https://warechristene.blogspot.com/2016/01/om-te-vas.html);  meer presies, die innerlike word gevoed - dit is 'n manier om jouself te dwing om vir jou innerlike kos te gee. Vas is 'n manier "van brood eet" maar om die innerlike te voed, nie die uiterlike nie.  Die persoon wat vas doen dit nie asof hy 'n wet nakom nie, maar het 'n begeerte na die Here en na Sy wil - dit is 'n manier waarop iemand juis ag gee op GEESTELIKE VOEDSEL (nie letterlike voedsel nie) - 'n manier waarop hy sy INNERLIKE voed! - die Here se woorde is bv. figuurlik soos BROOD vir ons (Matt. 4:4).  Elke geestelike mens (die Christen) moet besef hoe belangrik "vas" is vir sy innerlike mens... 

Wanneer iemand egter vas met verkeerde bedoelings (bv. "om deur ander gesien te word" of bloot om 'n wet na te kom), dan beteken so 'n vas niks nie. Ons moet om die regte redes vas, bv. omdat ons verlang na die Bruidegom Jesus Christus, omdat ons wysheid en kennis nodig het, Sy wil soek, Hom raadpleeg ens. Vas is ook van geen waarde wanneer iemand kom om die Here te raadpleeg maar nie gehoorsaam is aan Hom of Sy wil doen nie (bv. waar iemand sowel afgode asook die Here dien). Die geestelike mens kan nie deur "vas" GEVOED word as hy die verkeerde kos inneem nie. As jy jou innerlike wil voed met voedsel vd Here (m.a.w., wanneer jy kom "om te vas"), is die bedoeling wel "om honger te ly" in jou liggaam (jou uiterlike mens), maar jou innerlike word dan gevoed - opregte geestelike vas gaan dus oor "om gevoed te word deur die Here", en dit is dus belangrik dat die persoon wat op 'n geestelike vas is tyd met die Here spandeer en sy gedagtes gevange neem tot gehoorsaamheid aan Christus (drink water by Hom). As hierdie die rede is vir vas, dan sal so iemand se binneste die voedsel en water kry wat hy nodig het. 
------------------------------------------------------------------------------------------------------------------------------

Saterdag 30 Desember 2023

Diere / Koppe / Horings / Krone

 IN HIERDIE POS KYK ONS NA WAARNA "diere, koppe, horings en krone

IN PROFESIE VERWYS. 

-----------------------------------------------------------------------------------------------------------------------------

In beeldspraak word KONINGKRYKE en/of  KONINGS somtyds voorgestel deur:

- "DIERE"  (diere verwys na KONINKRYKE, en word somtyds bloot na verwys as KONINGS - verskillende diere stel bv. koninkryke wat op verskillende tye opstaan en/of mekaar opvolg - 'n vb. hiervan is die 4 diere in Dan. 7.  In Dan. 2 (beeld) word ook 'n spesifieke stel koninkryke wat mekaar opvolg tot in die laaste dae beskryf..., maar sommige van hierdie koninkryke word in ander skrifte weer beskryf as DIERE. In totaal vind ons 8 sulke "diere" in 'n spesifieke reeks van koninkryke, waarvan die laaste of die 8ste DIER beskryf word as die "skarlakenrooi dier" in Openb. 17, waarop die hoer/stad Babilon sit...).

- "KOPPE"  (koppe verwys na verskillende DIERE (konings/koninkryke) wat 'n spesifieke koninkryk voorafgegaan het, of afhangende van wanneer die droom of visioen gewys is, kan die koppe verwys na 'n huidige of komende koninkryk). 

- "HORINGS" (verwys na KONINGS en/of KONINRKYKE wat uit 'n koninkryk uit opstaan).

Ander:

-  "BERGE" ('n ander woord wat gebruik word om te verwys na "koppe" / konings/koninkryke - Openb. 17:9,10,;  bv. in die geval van die skarlakenrooi dier van Openb. 17 stel die berge konings voor waarvan 5 geval, een is, en een moet kom = 7 koppe).

- "KRONE" (mag en regering).

-  "VLERKE"  (windstreke).

-  'WATERS" ("see" van nasies - Openb. 17:1.15; Jer. 51:13).

-----------------------------------------------------------------------------------------------------------------------------

Diere:

In profesie stel "diere" gewoonlik konings (Dan. 7:17) voor, of koninkryke (Dan. 7:23,24). Hierdie soort beeldspraak word in heelwat skrifte gebruik waar volke of persone vgl. word met "diere" (Jes. 30:6 - "Godspraak oor die DIERE van die Suidland. In ‘n land van benoudheid en angs, waar leeuin en leeu uitkom, adder en vlieënde draak, vervoer hulle op die rugge van esels hul rykdomme en op die bulte van kamele hul skatte, na ‘n volk wat geen voordeel bring nie"). 

(Dan 7:17 - "Hierdie groot diere wat vier is—vier konings sal uit die aarde opstaan"). 

Alhoewel "koppe" en "horings" ook in beeldspraak gebruik word om konings en koninkryke voor te stel, is dit nie heeltemal dieselfde nie, want koppe verwys na 'n koninkryke in 'n spesifieke stel van koninkryke, en horings verwys weer na koninkryke wat uit 'n spesifieke koninkryk opstaan (alhoewel hierdie definisie effens verskil onder geleerdes).  In Dan. 7 stel die eerste DIER (die leeu) die Babiloniese koninkryk voor, die tweede DIER (die beer) stel die Mede en -Persiese koninkryk), en die derde (die luiperd) stel die Griekse koninkryk voor - hierdie is verskillende "diere", maar 'n volgende dier in dieselfde reeks van koninkryke maar dalk voorgestel word met koppe wat dan hierdie verskillende koninkryke voorstel. "Horings" is verwysend na konings wat uit 'n spesifieke diere opstaan (terwyl "koppe" weer verwysend is na ander koninkryke in dieselfde reeks koninkryke, wat bv. mekaar opvolg). 

"DIERE" IN PROFESIE VERWYS NA KONINGS en KONINKRYKE.  
Daar word o.a. 'n totaal van 8 sulke "diere" in die Skrif genoem, van 'n spesifieke reeks koninkryke wat mekaar opvolg tot in die einde van dae net voor Jesus terugkom (waarvan die laaste of 8ste verwys na die skarlakenrooi dier).

-  Die BABILONIESE KONINKRYK - word o.a. as 'n LEEU voorgestel in Dan. 7:4 en is die kop op die beeld in Dan. 2:32, 36-38 (KONING van Babel / Babiloniese KONINKRYK).

-  Die MEDE & PERSIESE KONINKRYK - word o.a. as 'n BEER voorgestel in Dan. 7:5, en is die bors en arms op die beeld in Dan. 2:32,39; en word in Dan. 8, 3,4,20 weer voorgestel as 'n RAM.

-  Die GRIEKSE KONINKRYK - word o.a. voorgestel as 'n LUIPERD in Dan. 7:6 (en is die buik en lendene op die beeld in Dan. 2:32,39);  of woord voorgestel as 'n BOKRAM in Dan. 8:5,21,22.

-  Die 4DE DIER KONINKRYK (Dan. 7:7).  Dit verwys na 'n koninkryk - kyk bv. hoe dit beskryf word met 10 horings/konings.

-  Die VUURROOI DRAAK (Openb. 12:3).  Die draak verwys na die ou slang, die duiwel, of word ook Satan genoem (Openb. 12:9), maar kan ook 'n koninkryk voorstel, bv. die "vuurrooi draak" genoem in Openb. 12:3 - kyk bv. hoe dit beskryf word met 7 koppe (met 7 krone/mag) en 10 horings/konings.

-  Die DIER UIT DIE SEE koninkryk (Openb. 13:1-10).  Dit verwys na 'n koninkryk - kyk bv. hoe dit beskryf word met 7 koppe en 10 horings/konings (en op sy koppe 10 krone/mag)(v. 1).

-  Die DIER UIT DIE AARDE koninkryk (Openb. 13:11-18).  Dit lyk ook of dit na 'n koninkryk verwys - kyk bv. hoe dit beskryf word met 2 horings/konings (v. 11).

-  Die SKARLAKENROOI DIER koninkryk (Openb. 17:3,7-17) - word ook na verwys as die "dier uit die afgrond" in Openb. 17:8. Dit verwys na 'n koninkryk - kyk bv. hoe dit beskryf word met 7 koppe en 10 horings/konings (v. 3). 

-----------------------------------------------------------------------------------------------------------------------------

KOPPE verwys na:

KONINGS / KONINKRYKE in 'n spesifieke reeks van koninkryke (koppe verwys na voorafgaande koninkryke, of afhangende van wanneer die profesie/visioen gegee is kan koppe verwys na 'n huidige koninkryk, of komende).  Terwyl 'n "dier" 'n spesifieke koninkryk beskryf, beskryf "koppe" ander koninkryke wat daardie koninkryk voorafgegaan het, wat is of wat volg.

'n Goeie voorbeeld is die skarlakenrooi dier in Openb. 17:

Die skarlakenrooi dier word beskryf met 7 KOPPE 

- die DIER is 'n beskrywing van die koninkryk self, terwyl die 7 KOPPE koninkryke beskryf wat hierdie koninkryk voorafgegaan het, wat is, of komend. Hier volg bv. een so 'n interpretasie... - koninkryke wat die skarlakenrooi dier voorafgegaan het is die (1ste kop) Egiptiese, (2de kop) Assiriese, (3de kop) Babiloniese, (4de kop) Merders & Persiese, en die (5de kop) Griekse koninkryk; en in die tyd wat die skarlakenrooi dier in 'n visioen aan Johannes gewys is was die (6de kop) "4de dier" van Dan. 7:7 aan bewind, wat een vd koppe op die skarlakenrooi dier voorstel;  en die laaste kop verwys na 'n komende koninkryk wat na hierdie koninkryk kom... - wat dan die 7de kop is en bv. "die dier uit die see" voorstel)(l.w. dat die skarlakenrooi dier die 8ste DIER is, nie een van hierdie koppe nie, maar sal saam met die 7 (koppe/koninkryke) uiteindelik val (Openb. 17:10,11)(Openb. 17:9-11 - "Hier kom die verstand wat wysheid het, te pas. Die sewe koppe is sewe berge waar die vrou op sit. En hulle is sewe konings: vyf het geval en een is; die ander een het nog nie gekom nie; en wanneer hy kom, moet hy ‘n kort tydjie bly. En die dier wat was en nie is nie, is self ook die agtste, en hy behoort by die sewe en gaan na die verderf").   Hierdie koppe word verder voorgestel as "BERGE" OF "KONINGS" waar "die vrou" op sit... (v. 9,10) - dit wil voorkom of die groot stad Babilon oor hierdie koninkryke gaan regeer (KONINKRYKE =bv. "berge" - volk/plek - waar is hulle?, bv. 7 koninkryke of volke wat onder die "vrou" groot stad Babilon gesorteer is)(KONINGS  =ons sien ook hier hoe die term "konings" gebruik word om na koninkryke te verwys). 

Kom ons kyk na ander voorstellings van "diere met KOPPE":

- die LUIPERD in Dan 7:6 - ("Daarna het ek gesien, en kyk, daar was ‘n ander een soos ‘n luiperd, en dit het vier vlerke van ‘n voël op sy rug gehad; ook het die dier 4 KOPPE gehad, en aan hom is heerskappy gegee"). Hierdie "koppe" kan verwys na komende koninkryke of na koninkryke wat dit voorafgaan - daar is bv. twee moontlikhede.  (1) is dat dit verwys na die Egipties, Assiries, Babilonies, en Meders & Perse.  Die (2)de opsie is dat dit verwys na komende (wat komend was op daardie stadium toe die visioen gesien is), bv. die 4 koninkryke wat uit hierdie koninkryk ontstaan het in 4 windrigtings.

- die VUURROOI DRAAK (koning) in Openb. 12:3 - ("En ‘n ander teken het in die hemel verskyn, en daar was ‘n groot vuurrooi draak met 7 KOPPE en tien horings, en op sy koppe sewe krone"). Die draak wat die hele wereld verlei stel die ou slang, die duiwel voor (ook genoem die Satan)(Openb. 12:9). Sy koninkryk is soos 'n konkryk wat nie is nie, tog is dit... L.w. dat die draak sy krag en groot mag sal gee aan die "dier uit die see" (Openb. 13:2)(en die draak en dier sal aanbid word, v.4) - amper asof hulle een koninkryk is (vgl. dit ook met Openb. 16:13) - vgl. dit met die verdeelde koninkryk op die voete vd beeld in Dan. 2, en wat verwys na die laaste koninkryke op aarde - sien ook die skarlakenrooi dier as deel van hierdie stelsel. Die 7 koppe vd vuurrooi draak kan moontlik as volg geinterpreteer word:  (1) Egiptiese, (2) Assiriese, (3) Babiloniese, (4) Meders & Persiese, (5) Griekse, (6) 4 de dier, (7) skarlakenrooi dier. 

------------------------------------------------------------------------------------------------------------------------------

"HORINGS" VERWYS NA:
KONINGS OF KONINRKYKE WAT UIT 'n DIER/KONINKRYK OPSTAAN.

'n Goeie vb. is Dan. 8 waarin die HARIGE BOK (koning van Griekeland of koninkryk) eers beskryf word as met 'n groot horing (wat die eerste koning voorstel - Dan. 8:21), later breek die horing af en 4 kom in sy plek uit (v.8,22 - 4 koninkryke sal uit sy volk ontstaan), en uit een van hulle later nog 'n horing... (v.9,23 - 'n latere koning).

Nog 'n vb. is die 4de dier in Dan. 7, wat beskryf word met 10 horings... V. 24 verduidelik dat hierdie "10 horings" verwys na 10 konings wat uit daardie koninkryk sal opstaan. Daar sal ook later 'n "ander horinkie" uitkom, wat in v. 25 ook verduidelik word as 'n koning.   

Kom ons kyk na 'n paar ander skrifte waar horings ook in beeldspraak gebruik word om na konings te verwys:

(Psa 132:17)  Daar sal Ek vir Dawid ‘n horing laat uitspruit; Ek het vir my gesalfde ‘n lamp toeberei. In hierdie skrif  verwys "horing" bv. na 'n koning wat uit Dawid se nageslag gebore sou word (nl. die beloofde Messias / natuurlik verwysend na Jesus Christus)(Ps. 132:11 - "Die HERE het aan Dawid gesweer in waarheid (Hy sal daarvan nie terugkom nie): Van die vrug van jou liggaam sal Ek laat sit op jou troon")(vgl. dit met hoe Jesus deur baie vd volk genoem was,"seun van Dawid"). Hierdie beeldspraak word ook deurgeneem in gesegdes, bv. die Here word genoem "die horing van heil (saligheid)" (Luk. 1:69; 2 Sam. 22:3; Ps. 18:3) - m.a.w. Hy is soos 'n horing wat saligheid bring... (bv. verlos hulle van vyande... - Luk. 1:69-75).  

(Num 23:22 - "God wat hulle uit Egipte uitgelei het, is vir hulle soos die horings van ‘n buffel"). - veral in die geval van 'n renoster is die horing geweldig sterk, iets waarmee hy homself kan beskerm en wat gebruik kan word soos 'n wapen. Vgl. dit ook met Num. 24:8, waarin hierdie vgl. verduidelik word, waarom God "vir hulle soos die horings van 'n buffel" is: -(Num 24:8 - "God wat hom uit Egipte uitgelei het, is vir hom soos die horings van ‘n buffel; hy sal nasies, sy vyande, verteer en hulle gebeente stukkend breek en met sy pyle verbrysel"). Horings van 'n koninkryk kan na iets soortgelyk verwys, wat m.a.w. vir hulle is soos "krag" of "mag" (waarmee hulle bv. ander koninkryke kan verteer en stukkend breek). Die Lam word in Openb. 5:6 beskryf as o.a. "met 7 horings" - hierdie horings is sekerlik 'n manier om te verwys na krag en mag. (Openb. 5:6 - "En ek het gesien, en kyk, in die middel van die troon en die vier lewende wesens en in die midde van die ouderlinge staan daar ‘n Lam asof Hy geslag is, met sewe horings en sewe oë, wat die sewe Geeste van God is wat uitgestuur is oor die hele aarde"). Dit wil voorkom of dit beide die horings en die oë is wat hier die 7 Geeste van God voorstel (wat terloops uitgestuur is oor die hele aarde...) - in hierdie geval wil dit voorkom of hierdie iets is soos 'n verwysing na die mag wat deur die Lam uitgevoer word oor die aarde d.m.v. die Gees van God.  

Ook in Deut. 33:17 word "buffelhorings" daar gebruik om te beskryf hoe Josef se seuns die volke sal stoot... (Deu 33:17 - "Sy eersgebore stier—heerlikheid is syne, en sy horings is buffelhorings; daarmee sal hy die volke stoot, die eindes van die aarde almal saam. En dit is die tien duisende van Efraim, en dit is die duisende van Manasse!"). Om tussen die "horings van buffels" te wees, kan wees asof iemand vasgekeer is tussen vyande - (Psa 22:22 - "Verlos my uit die bek van die leeu, en uit die horings van die buffels het U my verhoor!"). Vgl. dit ook met (Psa 75:11 - "En ek sal al die horings van die goddelose mense stukkend breek; die horings van die regverdige sal verhef word). Vgl. dit ook met (Eseg. 34:21 - "Omdat julle al die swakkes met skof en skouer wegdruk en met julle horings stoot, totdat julle hulle uitgejaag het"), Hier sien ons hoe horings gebruik kan word om van iemand ontslae te word.  Op dieselfde wyse kan "horings" in beeldspraak verwys na die wat ander vaskeer of wegstoot, of verslind en vermorsel. Vgl. dit met die 4 HORINGS in Sag. 1:18-21 (die horings wat Juda, Israel en Jerusalem verstrooi het...).  

"Horings" in profesie of beeldspraak verwys na die volgende :
HORINGS  =  KONINGS (wat uit 'n koninkryk opstaan)(en volgens Dan. 7 lyk dit of hierdie konings die verslind en vermorsel en vertrap werk doen). 

In Dan. 8 (die gesig vd ram en bokram), sien ons dat die "ram" daar voorgestel word met 2 horings:- (Dan 8:3 - "En ek het my oë opgeslaan en gesien, en kyk, daar staan ‘n ram voor die rivier; en hy het twee horings gehad, en die twee horings was hoog, ook was die een hoër as die ander, en die hoogste het laaste uitgekom"). Met bg. in ag geneem verwys hierdie 2 horings dus na 2 konings (of koninkryke) wat opstaan uit die ram-koninkryk... En l..w. v. 4!  - (Dan 8:4 - "Ek het die ram sien stoot na die weste en na die noorde en na die suide, en al die diere kon voor hom nie standhou nie, en daar was niemand wat uit sy mag gered het nie; maar hy het gedoen net wat hy wou, en het magtig geword"). Vgl. dit met v.20 - (Dan 8:20 - "Die ram wat jy gesien het met die twee HORINGS, is die KONINGS van die Meders en die Perse"). 
Die bokram word beskryf met een aansienlike horing (Dan. 8:5), en kyk wat doen hy met daardie horing:  (Dan 8:6-8 - "En hy het na die ram met die twee horings aangekom wat ek voor die rivier sien staan het, en hom in die woede van sy krag stormgeloop. En ek het hom gesien hoe hy tot by die ram kom en op hom verbitterd word en die ram stoot en sy twee horings verbreek; en daar was geen krag in die ram om voor hom stand te hou nie, sodat hy hom teen die grond gegooi en hom vertrap het, en daar was niemand wat die ram uit sy mag gered het nie. En die bok het uitermate magtig geword; maar toe hy sterk was, het die groot horing afgebreek, en vier aansienlike horings het in sy plek uitgekom na die vier windstreke van die hemel").  Ook hier verwys die bok met sy horing na 'n koning, en die 4 aansienlike horings wat in sy plek uitgekom het nadat dit afgebreek is, verwys na KONINGKRYKE: (Dan 8:21,22 - "En die harige bok is die koning van Griekeland; en die groot horing wat tussen sy oë was, dit is die eerste koning. En dat dit gebreek is en vier in sy plek ontstaan het—vier koninkryke sal uit sy volk ontstaan, maar nie met sy krag nie"). So hier sien ons dat HORINGS nie net verwys na konings nie, maar ook na hulle KONINKRYKE. In hierdie geval vd bokram verwys die groot horing dus na 'n koning wat uit 'n koninkryk opstaan (in hierdie geval "die eerste koning" - Dan. 8:21), en dan na 4 koninkryke wat weer uit sy koninkryk ontstaan (Dan. 8:22). Ons sien dus ook in hierdie gedeelte dat:
HORINGS = KONINGS / KONINKRYKE (wat uit 'n koninkryk opstaan)(verslind, vermorsel, vertrap...).

In Openb. 12:3 word die vuurrooi draak (die ou slang / duiwel / satan) voorgestel met 7 koppe, 10 HORINGS, en op sy koppe 7 krone (en sy stert het 'n derde vd sterre meegesleep. wat miskien vgl.kan word met die horing wat eers klein uitkom in Dan. 8). Hierdie 10 horings verwys beslis na 10 KONINGS of KONINKRYKE wat uit sy koninkryk kom... (word somtyds na verwys as "slang-koninkryke").

In Openb. 13:11 word 'n "dier" voorgestel as "uit die aarde met 2 HORINGS" (horings net soos 'n lam en het gepraat soos 'n draak).  Hierdie "dier uit die aarde" wat "die valse profeet" (Openb. 19:20) voorstel sal o.a. tekens doen en maak dat almal die dier aanbid... Dit wil voorkom of uit "hom" 2 konings of koninkryke kom. Weer-eens verwys die "dier uit die aarde" ook nie net na 'n "koning" (bv. die valse profeet) nie, maar ook na 'n koninkryk, en uit hierdie koninkryk sal 2 konings en/of koninkryke opstaan  (wat soos horings baiemaal doen soos ons bo gesien het, "sal verslind en vertrap en vermorsel" - hulle sal maak dat die aarde die dier aanbid, en maak dat die wat dit nie wil doen nie, gedood word...).  

In Openb. 17:3 word die skarlakenrooi dier (die "vrou" - verborgenheid, groot Babilon, groot stad wat heerskappy voer oor die konings vd aarde - sit op hierdie dier) voorgestel met 7 koppe en 10 HORINGS (Openb. 17:3 - "En hy het my in die gees weggevoer na ‘n woestyn, en ek het ‘n vrou sien sit op ‘n skarlakenrooi dier, vol godslasterlike name, met sewe koppe en tien horings"). Die 
10 HORINGS = word beskryf as 10 KONINGS wat nog geen koningskap ontvang het nie maar hulle ontvang mag soos konings een uur lank saam met die dier (Openb. 17:12)(hulle sal hulle krag en mag aan die dier oorgee en teen die Lam oorlog voer, en sal "die vrou" verbrand). 

------------------------------------------------------------------------------------------------------------------------------

Krone:

'n Kroon word gewoonlik gegee aan iemand wat as koning gekroon word. Bv., Openb. 6:2 (die ridder vd wit perd) verwys sekerlik na iemand wat mag kry om te regeer (Openb. 6:2 - "En ek het gesien, en kyk, daar was ‘n wit perd. En hy wat daarop sit, het ‘n boog; en aan hom is ‘n kroon gegee, en hy het uitgegaan as ‘n oorwinnaar en om te oorwin"). In hierdie opsig kan "krone" in beeldspraak verwys na mag. Bv., wanneer 'n kroon oorgegee word. is dit gewoonlik weer 'n verwysing na mag wat oorgegee word. 

Of bv. as 'n koning sy kroon voor 'n ander neerlê, kan dit verwys na onderdanigheid.  Die wat sy kroon voor 'n ander neerlê, bely m.a.w. dat sy mag nou onderwerp is aan die ander een. 'n Goeie vb. hiervan is miskien Openb. 4:4,10  vd 24 ouderlinge met goue krone wat hulle krone voor die Here neerwerp... -  (Openb. 4:10.11 - "val die vier en twintig ouderlinge neer voor Hom wat op die troon sit, en aanbid Hom wat tot in alle ewigheid lewe, en werp hulle krone voor die troon en sê: U is waardig, o Here, om te ontvang die heerlikheid en die eer en die krag, want U het alles geskape en deur u wil bestaan hulle en is hulle geskape"). Alhoewel hulle self mag ontvang het, is hulle onderwerp aan Hom wat eintlik die mag het. 

Die onderwerp van krone word somtyds ook in profesie en beeldspraak gebruik, bv.: 

- Openb. 9:7 (onder die 5de trompet, sprinkane - en op hulle koppe iets soos krone)(l.w. die konteks - v.3 - "aan hulle is mag gegee...soos skerpioene...")(in hierdie geval kan hulle voorkoms beskrywe vir ons iets van hulle vertel, bv. dat "perde" verwys na "voorbereid vir oorlog", en "krone" verwys na hierdie "mag" wat hulle kry om mense te pynig...); 

- Openb. 12:3 (die vuurrooi draak - op sy 7 koppe, krone)(die draak (ou slang/duiwel/satan-Openb. 12:9) se krone kan moontlik vgl. word met Openb. 13 (?), waarin die draak sy krag en sy troon en groot mag gee aan die "dier uit die see" - in hierdie gedeelte het die dier uit die see bv. 7 koppe..., wat moontlik 'n aanduiding is van hierdie mag wat deur die draak aan die dier gegee word - gee die mag van die 7 koppe of koninkryke);  

- Openb. 13:1 (die dier uit die see - op sy 10 horings, krone)(horings = konings, en hulle het mag)- vgl. dit gerus met die 10 horings skarlekenrooi dier (Openb. 17) wat hulle mag gee aan die dier... Hierdie 10 horings verwys na konings wat nog geen koninskap ontvang het nie, maar sal dit ontvang vir een uur lank saam met die dier, en sal hulle krag en mag dan oorgee aan die dier...;  

- Openb. 19:12 (vd Messias se terugkoms - o.a. op Sy hoof is baie krone...)(l.w. die konteks - Hy oordeel en voer oorlog in geregtigheid, kleed in bloed gedoop ens. - Hy is die koning vd konings... (Hy het baie krone, want Hy is die Koning vd konings... - dit verwys dus na die mag wat Hy het oor al die ander konings - alle mag is vir Hom gegee).